«Етарлича ишладим»: Жим Керри актёрлик фаолиятини якунлаганини эълон қилди

Оғир хасталик туфайли фаолиятини якунлаган Брюс Уиллисдан кейин Жим Керри ҳам кинодан кетганини эълон қилди. Бу ҳақда 60 ёшли актёр 31 март куни Access Hollywood’га берган интервьюсида маълум қилди, деб ёзади The lime.

Фото: The lime

«Мен нафақага чиқяпман. Бу борада жиддий гапиряпман, — деди у. — Агар фаришталар менга олтин сиёҳ билан ёзилган қандайдир сценарий олиб келсагина одамлар буни кўриши жуда муҳим эканини тушунаман ва шундагина давом этишим мумкин, лекин ҳозир танаффус қиламан. Менга осуда ҳаёт жуда ёқади, расм чизиш ҳамда руҳий ҳаловатни жуда яхши кўраман ва мен ҳис қилдим — бу бошқа машҳурлардан ҳеч қачон эшитиш мумкин бўлмаган нарса — мен учун етарли. Мен етарлича ишладим».

Жим Керри Голливуд тарихидаги энг муваффақиятли комик актёрлардан бири. У ўз карьерасини ўтган асрнинг 80 йилларида бошлаган, бир нечта кечки шоуларда иштирок этган. Актёр сифатида у «Ёрқин рангларда» сериали туфайли шуҳрат қозонди. Кўп ўтмай у иштирок этган «Эйс Вентура: уй ҳайвонлари изқувари» кассабоп фильмлардан бири бўлди. Актёрнинг «Ниқоб» фильмидаги ижроси энг ёрқин роли бўлиб, бу рўйхатда яна бир қанча образлари мавжуд:  «Аҳмоқ ва тентак», «Абадий Бетмен», «Ёлғончи», «Қудратли Брюс» ва «Гринч — Рождество ўғриси».

Шунингдек, Жим Керрининг карьераси ҳам кучли драматик ролларга эга — «Трумен шоуси», «Соф ақлнинг абадий порлаши», «23-рақам», «Ҳазиллашдим». Унинг иштирокидаги сўнгги фильм «Соник 2» бўлиб, премьера 2022 йил 8 апрелда бўлиб ўтиши режалаштирилган.