Футбол бўйича Англия Премьер Лигасининг 31-турида «Манчестер Юнайтед» 2 апрель, шанба куни «Лестер»га қарши баҳс олиб борди.
«Олд Траффорд»да ўтган баҳснинг дастлабки 45 дақиқасида дарвозаларга тўп киритилмади. Ҳисоб фақат 63-дақиқага келибгина Келечи Иҳеаначо томонидан очилди. Орадан 3 дақиқа ўтар-ўтмас эса Фред мувозанатни тиклади. Шундан сўнг ҳар иккала жамоанинг уринишларига қарамай дарвозалар бошқа ишғол қилинмади ва томонлар бир очкодан бўлишиб олди.
Қайд этиш керак, мазкур учрашувни мезбонлар ҳужумчиси Криштиану Роналду саломатлигидаги муаммолар туфайли ўтказиб юборди.
«Қизил иблислар» дурангдан кейин 51 очко билан мусобақа жадвалида 6-ўринда бормоқда. Ҳисобида 37 очко бўлган «тулкилар» 9-поғонани банд этган.
АПЛ
31-тур баҳси
2 апрель, шанба
«Манчестер Юнайтед» – «Лестер» 1:1
Голлар: 0:1 – 63 Иҳеаначо, 1:1 – 66 Фред.«Манчестер Юнайтед»: Де Хеа, Диогу Далот, Варан, Магуайр, Шоу (Теллес, 46), Погба (Матич, 75), Фред, Мактомини (Рэшфорд, 55), Бруну Фернандеш, Санчо, Эланга.
«Лестер»: Шмейхель, Жастин, Эванс (Амарти, 64), Фофана, Кастань, Менди (Чоудури, 90), Тилеманс, Мэддисон, Барнс, Дюзбери-Ҳолл, Иҳеаначо (Дака, 90).
Огоҳлантиришлар: Шоу (5), Фофана (16), Тилеманс (30), Мактомини (49).
Изоҳ (0)