Futbol bo‘yicha Angliya Premyer Ligasining 31-turida “Manchester Yunayted” 2-aprel, shanba kuni “Lester”ga qarshi bahs olib bordi.
“Old Trafford”da o‘tgan bahsning dastlabki 45 daqiqasida darvozalarga to‘p kiritilmadi. Hisob faqat 63-daqiqaga kelibgina Kelechi Iheanacho tomonidan ochildi. Oradan 3 daqiqa o‘tar-o‘tmas esa Fred muvozanatni tikladi. Shundan so‘ng har ikkala jamoaning urinishlariga qaramay darvozalar boshqa ishg‘ol qilinmadi va tomonlar bir ochkodan bo‘lishib oldi.
Qayd etish kerak, mazkur uchrashuvni mezbonlar hujumchisi Krishtianu Ronaldu salomatligidagi muammolar tufayli o‘tkazib yubordi.
“Qizil iblislar” durangdan keyin 51 ochko bilan musobaqa jadvalida 6-o‘rinda bormoqda. Hisobida 37 ochko bo‘lgan “tulkilar” 9-pog‘onani band etgan.
APL
31-tur bahsi
2-aprel, shanba
“Manchester Yunayted” – “Lester” 1:1
Gollar: 0:1 – 63 Iheanacho, 1:1 – 66 Fred.“Manchester Yunayted”: De Xea, Diogu Dalot, Varan, Maguayr, Shou (Telles, 46), Pogba (Matich, 75), Fred, Maktomini (Reshford, 55), Brunu Fernandesh, Sancho, Elanga.
“Lester”: Shmeyxel, Jastin, Evans (Amarti, 64), Fofana, Kastan, Mendi (Chouduri, 90), Tilemans, Meddison, Barns, Dyuzberi-Holl, Iheanacho (Daka, 90).
Ogohlantirishlar: Shou (5), Fofana (16), Tilemans (30), Maktomini (49).
Izoh (0)