Бугун,

  • USD 11095.31
  • RUB 173.84
  • EUR 10772.44

Дунё бўйича жуда қиммат бўлган аксессуар — сумкалар ҳақида маълумот берамиз.

Mouawad 1001 Nights Diamond Purse

Фото: Grazia

Фото: Grazia

2011 йилда Mouawad 1001 Nights Diamond Purse сумкаси дунёдаги энг қиммат сумка сифатида Гиннеснинг рекордлар китобига кирган. Ягона аксессуар Mouawad заргарлик уйи томонидан ишлаб чиқарилган. Сумка 18 каратли тилладан ясалган ва 4517 та олмос (105 та сариқ, 56 та пушти ва 4356 та оқ) билан безатилган. Уни ясаш учун 8800 соат вақт кетган. Мазкур клатчнинг баҳоси 3,8 миллион доллар.

Hermes Kelly Rose Gold

Фото: Grazia

Фото: Grazia

Заргар Пер Ҳарди икки йил давомида Hermes Kelly Rose Gold сумкасини яратиш устида ишлади. Ушбу мини сумка бутунлай пушти тилладан ясалган ва 1600 та олмос билан безатилган. Бренд уч хил вариантда фақат 12 тагина сумка чиқарган. Унинг нархи 2 миллион долларни ташкил этади.

Hermes Birkin Bag by Ginza Tanaka

Фото: Grazia

Фото: Grazia

Ушбу ноёб Birkin модели япон дизайнери Гинза Танака томонидан 2008 йилда яратилган. Мини сумка платинадан ясалган ва 2000 дан ортиқ олмос билан безатилган. Марказда жойлашган 8 каратли нок шаклидаги олмосни ажратиб олиш ва брош сифатида тақиш мумкин. Сумка занжиридан ҳам маржон ёки билагузук сифатида фойдаланиш мумкин. Ушбу клатч тахминан 1,4 миллион доллар туради.

Hermes Chaine’d Ancre Bag

Фото: Grazia

Фото: Grazia

Hermes сумкаларининг ҳаммаси ҳам ҳақиқий чармдан эмас. Масалан, 2012 йилда афсонавий бренд оқ олтиндан ясалган ва олмос билан безатилган чекланган ададдаги Hermes Chaine’d Ancre Bag сумкасини тақдим этди. Бу асарни яратиш учун француз дизайнери Пер Ҳарди икки йил вақт сарфлади. Аксессуарнинг нархи, тахминан, 1,4 миллион долларни ташкил этади, чунки 11 000 га яқин олмос ишлатилган. Бренд бу сумкаларнинг атиги 3 та моделини чиқарган.

Hermes Niloticus Crocodile Himalaya Birkin

Фото: Grazia

Фото: Grazia

 

Ҳимолая Birkin модели — тимсоҳ терисидан тайёрланган сумка. Аксессуар 240 та олмос билан безатилган, унинг фурнитуралари эса 18 каратли оқ олтиндан қилинган. Сумканинг нархи 380 000 долларни ташкил қилади. 2016 йилда мазкур аксессуар Гонконгдаги Christies аукционида сотилган.

Chanel Diamond Forever Handbag

Фото: Grazia

Фото: Grazia

2008 йилда Chanel бренди 13 та классик сумкадан иборат чекланган моделни чиқарди. Сумка оқ аллигатор терисидан қилинган ва 334 та олмос билан безатилган. Ушбу аксессуар 261 000 долларга баҳоланган.

Изоҳ
Асосий янгиликлар
Маҳаллий
Ўзбекистон конларида захира камайиб бораётгани ортидан табиий газ қазиб чиқариш режаси бажарилмаяпти
Дунё
Тожикистон ва Қирғизистон фуқаролари ўртасида чегарада жанжал содир бўлди
Маҳаллий
Нукусда -16,2 даража совуқ қайд этилди