Kundalik obraz uchun sumka tanlashda yordam beradigan tavsiyalar (foto)

Har mavsumda moda aksessuarlar to‘plamini yangilashni yaxshi ko‘radiganlar garderobida har qanday vaziyat uchun kamida bitta ko‘p qirrali, keng, qulay hamda har xil ko‘rinishga mos keladigan sumka bo‘lishi kerak. Quyida ularni tanlash bo‘yicha maslahatlar bilan bo‘lishamiz.

Muvofiqlikni ko‘rib chiqish

Kundalik ravishda eng ko‘p kiyadigan kiyimlar, ularning rang palitrasi va uslubiga asoslanib, to‘g‘ri sumka modelini tanlash kerak. Garderobdagi hamma narsa bilan mos kelishi mumkin bo‘lgan model obrazga putur yetkazmaydi. Bu vaziyatda neytral klassik rangli sumka eng yaxshi variantdir.

Hajm borasida xato qilish

Avval qanday o‘lchamdagi sumka kerakligini yaxshilab o‘ylab ko‘rish lozim. Haqiqiy talabga ega bo‘lmagan juda katta aksessuar zerikarli bo‘ladi va juda kichik sumka esa biror-bir narsa sig‘masligi bilan foydasiz bo‘lishi mumkin. Agar hujjatlar yoki noutbuk bo‘lsa, shunga mos ravishda qulay hamda foydali model tanlash tavsiya etiladi.

Asosiy narsa — bu tuzilishi

Sumkaning qiymati, albatta, uning barcha kerakli narsalarni saqlash qobiliyatidadir. Saqlash bo‘limlariga pasport va pul uchun alohida cho‘ntak, shuningdek, aksessuardan kundalik foydalanishni yanada qulayroq qiladigan boshqa nuqtalarga e’tibor berish lozim.

Minimalizmga ustunlik bering

Juda yorqin yoki g‘ayrioddiy sumka osongina ko‘zga tashlanishi mumkin va bu kabi modellar shunga mos libosni kiyishni taklif qiladi. Shuning uchun kundalik obrazga imkon qadar jiddiy va turli xil bezaklarsiz sumka tanlash tavsiya etiladi.

Sifatga e’tiborli bo‘lish

Sumka tanlashda material, aksessuar, chok va bo‘limlarga e’tibor berish lozim. Ba’zi charm sumkalar boshqalarga qaraganda uzoq xizmat qiladi. Har doim ham qimmat sumka sotib olish bir mavsumdan keyin sifatsiz sumkani tashlab yuborishdan ko‘ra yaxshiroq.