Баҳорги гардероб: ҳеч қачон урфдан қолмайдиган либос ва аксессуарлар (фото)

Дизайнер ва мода мутахассиси Наз Майер баҳор фаслида гардеробингизни янгилашда биринчи навбатда нималарга эътибор қилиш кераклиги ҳақида маълумот беради.

Кроссовкалар

Сўнгги бир неча йил ичида энг ноодатий шакл ва ўлчамдаги кроссовкалар моданинг энг юқори чўққисига чиққан бўлса-да, минималист вариантларни танлаган маъқул. Чекланган классик ранглар ва силуэтлар ҳар доим ўз аҳамиятини йўқотмаган, агар улар яхши кийилса, узоқ вақт хизмат қилади. Катта платформа, пойабзалдаги марваридлар, мўл-кўл декор — буларнинг барчаси ўткинчи тенденциялардир.

Оқ кўйлак ва футболкалар

Оқ кўйлак ва футболка ҳар қандай мавсумда ҳам гардеробингизнинг асосий кийими бўлиб қолаверади.

Фланел кўйлаклар

Қора-оқ катакли кўйлак ёзувли футболка билан ҳақиқатан ҳам ажойиб кўринади. Бу, шунингдек, логотипли топ ёки жинси шимлар ёки миди юбка билан бирлаштирилган рок-гуруҳ футболкаси бўлиши мумкин. Фланел кўйлакни тўқ рангдаги юбка билан бирлаштириб, бу комбинацияни қулай колготка ёки чулки билан тўлдириш орқали нафис силуэт яратиш мумкин. Бундай тўплам қўпол этик ёки ботилён билан ҳам замонавий кўринади.

Чарм куртка

Universal ва ҳар доим урфда бўлган устки кийим — иккала жинсдаги барча ёш гуруҳ вакиллари учун жуда замонавий кўринади. Сифатли чарм куртка — баҳор ва кузда хизмат қилиши мумкин бўлган гардеробингиздаги ажойиб имкониятдир.

Тренч

Сифатли классик тренч — ҳар дом класциклигини йўқотмаган. Баҳор мавсумида классик рангларнинг (қаймоқранг, тўқ кўк, қора) ва ноодатий  (малла, қизғиш жигарранг) катта ўлчамли моделлари урфда бўлади. Мақсадингиз асосий кийим сифатида фойдаланиш бўлса, урфдан қолмайдиган классик рангларни танлашни тавсия қиламиз.

Ҳарбий ботинкалар

Combatboots (яъни таниқли Др.Мартенс услубидаги ҳарбий ботинкалар) ҳар доим долзарб бўлиб қолади. Ҳар қандай гардеробга мос келади ва ҳар қандай кийимни тўлдиради — спорт шимлари, свитшотлардан тортиб то енгил кўйлакларгача.

Джинсилар

Албатта, классик бичим ва рангдаги жинси шимлар ҳеч қачон урфдан қолмайди, гардеробингизнинг асосий кийими бўлади.

Шарф

Шарф баҳор учун муҳим аксессуардир. Баҳорда турли хилидан — узун трикотаж, енгил рўмол ва ҳатто сунъий мўйнали шарфдан ҳам фойдаланиш мумкин.

Классик пальто

Пальто ҳақли равишда баҳорги шкафнинг энг классик ва зарур элементи деб ҳисобланиши мумкин, аммо бир неча фасл кийиш мумкин бўладиган юқори сифатли ва классик модель харид қилишни маслаҳат берамиз. Жун ва кашмир — идеал мато бўлиб, қаймоқранг, қора, кўк рангдагилари доим замонавий ва универсал ечим ҳисобланади.