АҚШ президенти Жо Байден 29 март куни Россиянинг Киев ҳамда Черниговск йўналишларида ҳарбий ҳаракатларни тўхтатишга қарор қилганиган қарамай Украинага ҳимоя учун зарур воситалар етказиб беришда давом этишини таъкидлади. Бу ҳақда «Интерфакс» хабар берди.
«Буни яна кўриб чиқамиз. Россиянинг амалдаги ҳаракатларини кўрмагунча олдиндан тахмин қилмоқчи эмасман», — деган у Россиянинг ушбу қарори юзасидан изоҳ сўраган журналистга жавобан.
Шунингдек, Байден Истанбулда ўтган Россия ҳамда Украина делегациялари ўртасидаги музокараларни ҳам эслаб ўтган.
«Россия нима қилаётганига аниқлик киритамиз, лекин Москвага нисбатан кескин санкцияларни сақлаб турамиз, Украинага ҳимоя воситалари тақдим қиламиз ва воқеалар ривожини диққат билан кузатиб борамиз», — дея қайд этган Байден.
Аввал Россия мудофаа вазирининг ўринбосари, генерал-полковник Александр Фомин Истанбулдаги Россия–Украина музокаралари якунига кўра Киев ва Черниговск йўналишларидаги ҳарбий фаоллик ўзаро ишонч, музокаралар учун шароитлар яратиш мақсадида қисқартирлишини маълум қилган.
Айни вақтда Россия делегацияси раҳбари Владимир Зеленский Киев ҳамда Черниговск йўналишидаги ҳарбий деескалация ўт очиш тартибининг тугатилганини англатмаслигини айтган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)