AQSH prezidenti Jo Bayden 29-mart kuni Rossiyaning Kiyev hamda Chernigovsk yo‘nalishlarida harbiy harakatlarni to‘xtatishga qaror qilganigan qaramay Ukrainaga himoya uchun zarur vositalar yetkazib berishda davom etishini ta’kidladi. Bu haqda “Interfaks” xabar berdi.
“Buni yana ko‘rib chiqamiz. Rossiyaning amaldagi harakatlarini ko‘rmaguncha oldindan taxmin qilmoqchi emasman”, — degan u Rossiyaning ushbu qarori yuzasidan izoh so‘ragan jurnalistga javoban.
Shuningdek, Bayden Istanbulda o‘tgan Rossiya hamda Ukraina delegatsiyalari o‘rtasidagi muzokaralarni ham eslab o‘tgan.
“Rossiya nima qilayotganiga aniqlik kiritamiz, lekin Moskvaga nisbatan keskin sanksiyalarni saqlab turamiz, Ukrainaga himoya vositalari taqdim qilamiz va voqealar rivojini diqqat bilan kuzatib boramiz”, — deya qayd etgan Bayden.
Avval Rossiya mudofaa vazirining o‘rinbosari, general-polkovnik Aleksandr Fomin Istanbuldagi Rossiya–Ukraina muzokaralari yakuniga ko‘ra Kiyev va Chernigovsk yo‘nalishlaridagi harbiy faollik o‘zaro ishonch, muzokaralar uchun sharoitlar yaratish maqsadida qisqartirlishini ma’lum qilgan.
Ayni vaqtda Rossiya delegatsiyasi rahbari Vladimir Zelenskiy Kiyev hamda Chernigovsk yo‘nalishidagi harbiy deeskalatsiya o‘t ochish tartibining tugatilganini anglatmasligini aytgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)