«Манчестер Юнайтед» эгаларини клубнинг 4 фоиз мухлиси қўллаб-қувватламоқда. «Челси»да бу кўрсаткич 92, «Ман Сити»да эса 90 фоизга тенг

Буюк Британиянинг Daily Mail нашри Премьер Лига клублари мухлислари орасида сўровнома ўтказди. Унда овоз берувчилар ўзи мухлислик қиладиган жамоанинг эгалари ишини баҳолаган.

100 минг мухлис иштирок этган сўровномада «Манчестер Юнайтед» эгалари энг ёмон натижа қайд этган. Қатнашувчиларнинг бор-йўғи 4 фоизи Глейзерлар оиласининг бошқарувини ёқлаган.

Антирейтинг топ-3 лигидан Глейзерлардан ташқари «Ньюкасл»нинг саудиялик эгалари (10,9%) ва «Эвертон»нинг эгаси Фарад Мошири (14,2%) ўрин олган.

Энг яхши кўрсаткич «Брентфорд» хўжайини Метю Бенҳемда қайд этилган. Мухлисларнинг 98,8 фоизи унинг ишини ёқлаган.

«Челси»ни сотиб юбориш арафасида турган Роман Абрамовични 92,5% овоз берувчи ёқлаб чиққан. «Манчестер Сити» эгаси шайх Мансурни 90,5% мухлис қўллаб-қувватламоқда, «Ливерпуль»га эгалик қиладиган FSG компанияси 88,6% овоз олган. «Арсенал» хўжайини Стен Кронкени лондонликларнинг 30,3% мухлиси ёқлаган.

Эслатиб ўтамиз, 2021 йилнинг май ойида «Манчестер Юнайтед» мухлислар АПЛ доирасида «Ливерпуль»га қарши ўйин олдидан Глейзерларга қарши норозилик акцияси ўтказган ва натижада тартибсизликлар сабаб «Олд Траффорд»даги учрашув қолдирилганди.