Бугун,

  • USD 11095.31
  • RUB 173.84
  • EUR 10772.44

Самарқанд вилояти Тойлоқ тумани «Тойлоқтумангаз» газ таъминоти бўлими биносида содир бўлган воқеа юзасидан туман ҳокимлиги ахборот хизмати қўшимча маълумот берди.

Фото: «Дарё»

Фото: «Дарё»

Қайд этилишича, 2022 йилнинг 18 март куни соат 15:00 ларда «Тойлоқтумангаз» газ таъминоти бўлими электрон газ ҳисоблагич муҳандисининг хизмат хонасида портлаш содир бўлган. Оқибатда «Тойлоқтумангаз» газ таъминоти бўлимининг 2 нафар ходими ҳамда 2 нафар мурожаат билан келган фуқаро тан жароҳати олган.

Дастлабки маълумотларга кўра, мазкур хонада ўрнатилган ва ишлаб турган Artel кондиционери чақнаши оқибатида хонада портлаш содир бўлгани аниқланган. Воқеа жойидан носоз ҳолатда келган бир дона Artel кондиционери ашёвий далил сифатида олинган.

Бахтсиз ҳодиса туфайли тан жароҳати олган фуқаролар зудлик билан шифохонага ётқизилиб, зарурий муолажалар қилинган. Таъкидланишича, айни дамда беморларнинг аҳволи яхши.

Аввалроқ «Дарё» мухбирига маълумот тақдим этган «Тойлоқтумангаз» бўлими раҳбари Бекзод Шаропов воқеа жойида ёнғин ва чақнаш ҳолати бўлмаганини айтган эди.

Ҳозирги вақтда ушбу ҳолат бўйича туман ИИБ ҳузуридаги тергов бўлими томонидан тергов-суриштирув ишлари олиб борилмоқда.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди