Бугун,

  • USD 11095.31
  • RUB 173.84
  • EUR 10772.44

Сочлар бир неча ой давомида алмашиниб туради, одам кунига 50-100 тагача соч толасини йўқотади ва бу нормал ҳолат. Аммо бу баъзида турли касалликларнинг аломати бўлиши мумкин. Қуйида соч тўкилишининг асосий сабабларини кўриб чиқамиз.

Фото: Getty Images

Фото: Getty Images

Ирсият

Агар ота-оналардан бирида бундай муаммо бўлса, у фарзандга ҳам ўтиши мумкин. Жараён баъзан 25-30 ёшда бошнинг маълум бир қисмида ёки бутун юзада соч сийраклашиши билан бошланади. Шифокорлар генетик тестлар ва бош териси биопцияларини ўтказади: агар соч фолликулалари майдалашиб кетса, муаммо генларда.

Даволаш: Бундай ҳолда соч тўкилишини олдини олишнинг ҳеч қандай усули йўқ, лекин жараённи секинлаштирадиган воситаларни топиш мумкин.

Волчанка (тери сили)

Бу иммунитет тизими соғлом тўқималарга ҳужум қиладиган аутоиммун касалликдир. Соч тўкилишига қўшимча равишда у доимий чарчоқ, бош ва мушаклар оғриғи, ёруғликка таъсирчанлик билан бирга келади. Волчанка қон тести ва бир қатор симптомлар ёрдамида аниқланади.

Даволаш: шифокор томонидан белгиланади. Агар бош териси ҳам қичиса, дори-дармонлар рўйхатига доривор кремлар ​​қўшилади.

Анемия

Темир моддасига бой маҳсулотларни ёқтирмайдиганлар анемияга мойил бўлади. Натижада қондаги кислородни тана бўйлаб ташиш учун етарли даражада қизил қон таначалари мавжуд бўлмайди. Сочлар тўкилади, концентрация йўқолади, чарчоқ пайдо бўлади.

Даволаш: Ферритин ва гематокрит тестларидан сўнг шифокор таркибида темир бўлган дориларни, шунингдек, гўшт, балиқ ва ловияга бой парҳез буюриши мумкин.

Поликистоз

Бундай ҳолларда сочлар кўпинча керак бўлмаган жойда, масалан, юзда ўсишни бошлайди. Шунинг учун ҳам бошда соч кам бўлиши мумкин.

Даволаш: шифокор тестостерон даражасини пасайтириш ва нохуш аломатларни даволаш учун гормонал таблеткалар буюради.

Бош териси билан боғлиқ муаммолар

Дерматит, псориаз, замбуруғ инфекциялари соч ўсишига тўсқинлик қиладиган бош териси яллиғланишининг энг кенг тарқалган сабаблари ҳисобланади. Қазғоқли дерматитни оддий кўз билан ҳам кўриш мумкин, бундан ташқари, сочлар тезроқ ифлосланади. Псориаз терида кўзга кўринган бляшаларни, замбуруғ инфекциялари эса қизил доғларни ҳосил қилади.

Даволаш: қазғоқли дерматитда махсус шампунь, псориазда дори-дармон ва турли хил терапиялар, замбуруғли инфекцияда замбуруғга қарши воситалар ёрдам беради. Буларнинг барчаси шифокор томонидан белгиланади.

Алопесия

Иммун тизими соч фолликулаларига ҳужум қиладиган аутоиммун касаллик. Бунинг сабабларидан бири оғир стресс бўлиши мумкин, кўпинча нима сабабдан юзага келиши маълум бўлмайди. Алопесиянинг уч тури мавжуд: локал (бошида сочсиз юмалоқ жойлар), тотал (бошнинг тўлиқ каллиги), универсал (бутун танадаги сочларнинг тўкилиши).

Даволаш: шифокор соч тўкилиши учун стероидлар ва дори-дармонларни буюради. Бундан ташқари, стресс даражасини камайтириш тавсия этилади.

Фаол парвариш

Шампунь, фен ва соч турмаклаш воситаларидан тез-тез фойдаланиш сочларга зарар етказади. Улар заиф ва мўрт бўлиб, тўкила бошлайди.

Даволаш: фен ўртача қувват ва ҳароратда ишлатинг. Бундай ҳолларда соч турмаклаш воситаларини ишлатмаган, соч рангини тубдан бўямаган маъқул.

Изоҳ
Asosiy yangiliklar
Маданият
«Худодан қўрқмаган одамдан қўрқдим». Ўзбекистон халқ артисти Бобомурод Ҳамдамов оилавий низолар туфайли ижара уйда яшамоқда (видео)
Маҳаллий
«Одамлар ўлимида ўзимни айбдор ҳисобламайман» — Нукусдаги тартибсизликлар етакчиси Даулетмурат Тажимуратов
Маҳаллий
Самарқандда ўқувчининг онаси «замдиректор»ни калтаклади