АҚШ президенти Жо Байден Россия президенти Владимир Путинни «Украина халқига қарши ахлоқсиз уруш олиб бораётган қўнхўр диктатор ва ҳақиқий каллакесар» деб атади. Бу ҳақда у Авлиё Патрик куни муносабати билан ташкил этилган тадбирда маълум қилган.
16 март куни Байден Путинни ҳарбий жиноятчи деб атаганди. Бир йил олдин Байден Путинни «қотил деб ҳисоблайсизми?» деган саволга ижобий жавоб берганди.
Россия президентининг матбуот котиби Дмитрий Песков АҚШ давлат раҳбарининг «Путинни ҳарбий жиноятчи» деб атаган баёноти «ўринсиз ва кечириб бўлмайдиган нутқдан» бошқа нарса эмаслигини айтган. Кремль вакилининг фикрича, «бомбалардан бутун дунёда 100 минглаб одамлар ҳалок бўлган давлат раҳбарининг бундай оҳангда айтган гаплари ўринсиз».
Аввалроқ БМТ Халқаро суди Россиядан Украинадаги ҳарбий ҳаракатларини тўхтатишни талаб қилганди. Кремль БМТ Халқаро судининг Украинада жанговар ҳаракатларни тўхтатиш борасидаги талабини қабул қила олмаслигини билдирган. «Йўқ, биз бу қарорни эътиборга ололмаймиз. Халқаро судда ‘томонлар келишуви’ деган тушунча бор. Бу ерда ҳеч қандай келишув бўлиши мумкин эмас», — дейди Песков.
Изоҳ (0)