Ўзбекистон 2021 йилги пахта терими даврида мажбурий ва болалар меҳнатига барҳам беришга муваффақ бўлди. Бу ҳақда Халқаро меҳнат ташкилотининг ҳисоботида қайд этилган.
Ташкилот ҳисоб-китобларига кўра, етти йил аввал Ўзбекистонда пахта соҳасини ислоҳ қилиш жараёни бошланганидан буён 2 миллионга яқин ўсмир болалар меҳнатидан, яна ярим миллион катталар мажбурий меҳнатдан озод қилинган.
Маълумотларда келтирилишича, 2021 йилда пахта теримида қатнашганларнинг 99 фоизи ўз хоҳишига кўра ишлаган. Барча вилоятларда мажбурий меҳнат ҳолатлари кам ёки умуман кузатилмаган.
Респондентларнинг қарийб 0,47 фоизи маҳалла вакиллари томонидан ижтимоий нафақалар билан боғлиқ тўғридан-тўғри ёки эҳтимоли таҳдидлар бўлганни билдирган. Респондентларнинг яна 0,12 фоизи иш берувчилар томонидан иш ёки иш ҳақини йўқотиш билан боғлиқ тўғридан-тўғри ёки эҳтимоли таҳдидлар ҳақида хабар берган.
Сўровда иштирок этган теримчиларнинг аксарияти меҳнат шароитлари 2020 йилдан бошлаб яхшиланганини маълум қилган. Уларнинг фақатгина 5 фоизи шароитлар олдинги йилларга нисбатан ёмонини айтган. Бу транспорт, овқат, сув, гигиеник ва бошқа қулайликларга тааллуқли.
Ҳисоботга кўра, Ўзбекистонда меҳнатга лаёқатли ёшдагиларнинг ҳар саккизинчиси пахта теримида қатнашган. Теримчиларнинг 62 фоизини асосан қишлоқ ҳуқуқларида яшовчи аёллар ташкил этган.
Эслатиб ўтамиз, 2021 йилнинг майида Меҳнат вазирлиги мажбурий меҳнат учун маъмурий жавобгарликни кучайтириш ҳамда болалар ва мажбурий меҳнатдан фойдаланганлик учун жиноий жавобгарликнинг киритилиши амалда ушбу соҳада жазо самарадорлигини оширишга имкон берганини маълум қилганди. Хусусан, 2020 йилда 231 нафар мансабдор мажбурий меҳнатга жалб қилгани учун жазоланган бўлиб, жариманинг умумий миқдори 20 фоизга ошган — 1,14 миллиард сўм.
Изоҳ (0)