Ўзбекистонда ишлаб чиқарилган ZF-UZ-VAC2001 вакцинасининг яна 3,2 миллиондан ортиқ дозаси эмлаш учун топширилди

Ўзбекистонда ишлаб чиқарилган 3 296 000 доза ZF-UZ-VAC2001 вакцинаси фойдаланишга топширилди, деб хабар беради ССВ матбуот хизмати.

Шундай қилиб, Ўзбекистонда фойдаланилаётган вакциналар миқдори 57 011 423 дозага етди.

Улардан:

• 2 404 480 дозаси AstraZeneca;
• 41 996 268 дозаси ZF-UZ-VAC2001;
• 1 341 790 дозаси «Спутник V»;
• 6 322 860 дозаси Moderna;
• 2 626 650 дозаси Pfizer/BioNTech;
• 1 976 000 дозаси Sinovac;
• 343 375 дозаси Sputnik Light вакцинасидир.

Эслатиб ўтамиз, Jurabek Laboratories томонидан ишлаб чиқарилган ўзбек-хитой вакцинасининг 1 458 820 дозадан иборат биринчи партияси 2021 йилнинг 30 сентябрь куни топширилганди. 13 октябрь куни ZF-UZ-VAC2001 вакцинасининг иккинчи партияси ишлаб чиқарилган ва Санитария-эпидемиологик осойишталик ва жамоат саломатлиги хизматига етказиб берилган эди. 21 октябрда эса Ўзбекистонда ишлаб чиқарилган ZF-UZ-VAC2001 вакцинасининг 2,7 миллиондан ортиқ дозаси, 12 февралда 910 мингдан ортиқ дозаси эмлаш учун топширилганди.