Футбол бўйича Ўзбекистон Суперкубоги баҳсида 27 февраль, якшанба куни «Пахтакор» ва «Насаф» жамоалари ўзаро тўқнаш келди.
Яйпандаги «Ўзбекистон» стадионида бўлиб ўтган учрашувнинг биринчи бўлимида ҳисоб очилмади. 61-дақиқада Драган Черан қанотдан узатилган тўпни боши билан дарвозага жойлаб қўйди. Қолган вақтда ҳисоб ўзгармади.
Шу тариқа «Пахтакор» Ўзбекистон Суперкубогига эга чиқди.
«Пахтакор» Суперлига 2021 йилги мавсумида чемпионликни қўлга киритган бўлса, «Насаф» кубок соҳиби сифатида ушбу ўйинда қатнашди.
Ўзбекистон Суперкубоги
27 февраль, якшанба
«Пахтакор» — «Насаф» 1:0
Гол: 1:0 – 61 Черан.«Пахтакор»: Элдор Суюнов (Санжар Қувватов, 45), Ҳожиакбар Алижонов, Алексей Ларин, Камен Хажиев, Фаррух Сайфиев, Одил Ҳамробеков, Икром Алибоев, Сардор Рашидов (Ҳожимат Эркинов, 81) Сардор Собирхўжаев (Оливер Шаркич, 81), Азиз Турғунбоев (Жасур Ёқубов, 90+3), Драган Черан.
«Насаф»: Умид Эргашев, Дилшод Саитов, Ғолиб Ғайбуллаев, Умар Эшмуродов, Шерзод Насруллаев, Акмал Мозговой, Марко Станоевич (Баҳром Абдураҳимов, 80), Иван Соловёв (Азиз Холмуродов, 80) Шароф Муҳиддинов, Суҳроб Нуруллоев (Ҳусниддин Алиқулов, 86), Ҳусайн Норчаев.
Огоҳлантиришлар: Сайфиев (12), Станоевич (19), Алибоев (53), Қувватов (76), Черан (84), Ҳамробеков (85), Холмуродов (90+4).
Изоҳ (0)