Конференциялар Лигасининг 1/8 финалига йўл олган жамоалар номи маълум бўлди

Европа Конференциялар Лигасида 1/8 финалга ўтиш ўйинлари якунланди ва нимчорак финалга йўл олган барча жамоа номи маълум бўлди.

Мусобақанинг 1/8 финалига 25 февраль куни қуръа ташланади. Қуръа ташлаш маросими Тошкент вақти билан 17:00 да бошланиши режалаштирилган.

Конференциялар Лигаси гуруҳ босқичида биринчи ўринни олган жамоалар биринчи саватчадан жой олган бўлса, ўтиш ўйинлари ғолиблари эса иккинчи саватчага жойлаштирилган.

• Биринчи саватча: «ЛАСК» (Австрия), «Гент» (Бельгия), «Рома» (Италия), «АЗ Алкмар», «Фейеноорд» (иккиси Нидерландия), «Копенгаген» (Дания), «Ренн» (Франция), «Базел» (Швейцария).
• Иккинчи саватча: «Будё Глимт» (Норвегия), «Лестер» (Англия), «Марсель» (Франция), «ПАОК» (Греция), «Партизан» (Сербия), «ПСВ», «Витесс» (иккиси Нидерландия), «Славия» (Чехия).