ФИФА «Насаф»га қўйилган трансфер тақиқини олиб ташлади. Бу ҳақида ПФЛ матбуот хизмати маълум қилди.
ФИФА Низоларни ҳал этиш палатаси «Насаф» клуби ва унинг франциялик футболчиси Диаките Абделае ўртасидаги низоли вазият юзасидан қарор чиқариб, клубга футболчи олдидаги белгиланган қарздорликни тўлаш вазифасини юклаган эди. Аммо мазкур қарор ижроси таъминланмагани боис ФИФА 2021 йил декабрь ойида «Насаф» учун трансфер тақиқини кучга киритганди.
24 февраль куни «Насаф» жамоаси Диаките олдидаги қарздорликни тўлиқ бартараф этди ва ишни ёпиш юзасидан ФИФАга мурожаат юборди. ФИФА 25 февралдан эътиборан мазкур ишни ёпди ва «Насаф»дан трансфер тақиқини олиб ташлади.
Аввалроқ «Бухоро» футбол клуби ва унинг собиқ дарвозабони туркманистонлик Раҳат Жапаров ўртасидаги низоли вазият юзасидан ФИФА бухороликларга трансфер тақиқини қўйганди. 10 февраль куни «Бухоро» жамоаси Жапаров олдидаги қарздорликни тўлиқ бартараф этган ва ундан трансфер тақиқи олиб ташланганди.
Изоҳ (0)