Ромелу Лукаку АПЛ антирекордини қайд этди
«Челси» Англия Премьер Лигаси 26-тури доирасида кечган «Кристал Пэлас»га қарши 19 февраль кунги ўйинда (1:0) ғалаба қозонди.
Мазкур учрашувда тўлиқ ҳаракат қилган «кўклар» форварди Ромелу Лукаку тўпга бор-йўғи етти марта тегинди.
Бу ўйинда тўлиқ ҳаракат қилган майдон ўйинчилари (дарвозабондан ташқари) орасида АПЛ антирекорди ҳисобланади. Мазкур статистика 2003/04 йилги мавсумдан бери ҳисоблаб келинади.
Биринчи бўлимда бельгиялик ҳужумчи тўпга икки марта тегинди, улардан бири учрашув стартида тўпни ўйинга киритиб бериш вақтида амалга оширилган.
«Челси» Лукакуни 2021 йилнинг ёзида 115 миллион евро эвазига «Интер»дан сотиб олганди. Бельгиялик футболчи жорий мавсум АПЛда 17 та ўйин ўтказиб, 5 та гол уришга эришди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
