Қўшиқчи тўрт йил давомида Манхэттендаги пентхаус эгаси бўлган. Уйини кенгайтириш ва қулай шароитда яшаш учун у иккита қўшни квартирани ҳам харид қилиб, уйи майдонини 352 квадрат метргача кенгайтирганди.
Аммо Бритни Спирс бу квартирада яшаган ягона юлдуз эмас. Пентхауснинг биринчи эгаси қўшиқчи Шер эди. У уйни 1980 йилларда сотиб олиб, бу ерда бир муддат яшагач, уни мусиқа продюсери Расселл Симмонсга 1,6 миллион долларга сотган.
Симмонсдан кейин квартира бошқа ижодкор эгасини топди. Бу Rolling Stones гитарачиси Кейт Ричардс эди, Бритни Спирс пентхаусни ундан сотиб олган. Кўринишидан, пентхаус фони мусиқий аура билан тўлдирилган.
Аммо уйдаги махсус атмосферага қўшимча равишда ажойиб интерьер ва тартибли жойлашувдан баҳраманд бўлиш мумкин. Тўрт қаватли пентхаус барча қаватларни боғлайдиган лифтга эга. Бундан ташқари, кўплаб функционал яшаш ва техник хоналарга эга.
Биринчи қаватда катта меҳмонхона, ўтин ёқиладиган каминли овқатланиш хонаси ва «марказий орол»га эга улкан ошхона мавжуд. Яшаш хоналаридан ташқари, тўлиқ ўлчамли кир ювиш ва алоҳида ювиниш хонаси ҳам мавжуд.
Юқори қаватда бемалол ишлаш учун мармар ҳаммом ва махсус дам олиш зонасига эга бўлган офис бор. Пастки қаватда яна бир камин, кенг шкаф ва ичимликлар бари бўлган хона мавжуд.
Тоза ҳаводан баҳраманд бўлишни истасангиз, пентхауснинг юқори қаватида 120 квадрат метрли айвондан Empire State Building ва бутун Нью-Йорк манзарасини томоша қилиш мумкин.
Изоҳ (0)