Голливуд юлдузлари орасидан бир нечта аёллар ҳам жаҳон рекордини ўрнатишга муваффақ бўлди.
Ариана Гранде
2019 йил апрель ойида Ариана Гранде Селена Гомесни ортда қолдириб, Instagram’да энг кўп кузатувчига эга юлдузга айланди. Қолаверса, бу қўшиқчи томонидан ўрнатилган ягона рекорд эмас. Айнан 2019 йилнинг ўзида Гранде The Beatles рекордини ҳам янгилаган. У сўнгги 55 йил ичида буни уддалаган биринчи хонанда бўлди. Гап шундаки, унинг учта таронаси бирданига Billboard журналига кўра ҳафтанинг энг машҳур 100 та қўшиғи рейтингига киритилган. Айтганча, Ариана турли хил композицияларнинг муваффақияти туфайли жами 20 га яқин рекорд натижага эга.
Бейонсе
Бейонсе Гиннеснинг рекордлар китобига 2010 йилда турмуш ўртоғи рэпер Jay-Z билан кирган. Юлдузлар энг кўп маош олувчи жуфтлик унвонига сазовор бўлган – ўша пайтда улар тахминан 122 миллион доллар ишлаб топган. Бундан ташқари, Бейонсе «Грэмми» мукофотлари сони бўйича жаҳон рекордлари эгасидир. У рекорд даражада 79 номинацияга эга, шулардан 28 тасида ғалаба қозонган.
Тэйлор Свифт
Тэйлор Свифт иккита жаҳон рекордини ўрнатди. Хонанданинг «Speak now» альбоми дунё бўйлаб энг кўп сотилган альбомга айланди ва 31 ҳафта давомида Billboard’s Artist 100 рўйхатида биринчи ўринни эгаллади, тахминан 280 000 нусхада сотилди. Свифт Гиннеснинг рекордлар китобига энг кўп треклар ва мусиқа мукофотларига эга бўлган қўшиқчи сифатида кирди.
Женнифер Лоуренс
2016 йилда Женнифер Лоуренс Гиннеснинг рекордлар китобига энг кўп даромад келтирувчи актриса сифатида кирди. У «Ҳаёт-мамот ўйинлари» ва «Ғаройиб одамлар» фильмлар муваффақиятидан кейин бу унвонга сазовор бўлди. Айтганча, Китнисс Эвердин роли картина продюсерларига 1,52 миллиард доллар даромад келтирган.
Изоҳ (0)