Оналик бахтини ҳис қилиш учун турли қийинчиликлардан ўтган машҳур аёллар (фото)

Ҳозирда илм-фан туфайли ҳомиладорлик билан боғлиқ қийинчиликларга дуч келган аёлларга оналик қувончини ҳис қилишнинг бир неча усуллари таклиф қилинади. Репродуктив муаммолар ҳақида сўз борганда машҳур шахслар ҳам бу муаммога дуч келишганини яширмайди.

AdMe нашри фарзанд кўриш билан бог‘лиқ қийинчиликларни бошдан кечирган таниқли аёллар ҳақида то‘хталади.

Энн Хетеуэй

Машҳур Голливуд актрисаси Энн Хетеуэй ҳозирда икки ўғил — Жонатан ва Жекнинг бахтли онаси, у узоқ вақт давомида фарзанд кўролмагани ҳақида шундай дейди: «Ҳомиладор бўла олмай юрган вақтимда кимдир фарзандли бўлса, атайин мени хафа қилиш учун шундай бўляпти деб хафа бўлардим. Кейинчалик ундай эмаслигини англаб етдим. Худди шу муаммога дуч келган аёллар мен учун ҳомиладорлик йўли унчалик осон бўлмаганини билишларини истардим». Актрисанинг айтишича, унга қийинчиликларни енгишга бошқа аёлларнинг бошидан ўтганлари ва ҳар доим ёнида бўлган эри ёрдам берган.

Кейт Уинслет

«Титаник» фильмидаги роли билан машҳур бўлган актриса бир мунча вақт биринчи фарзанди Миа кесарча кесиш амалиёти билан эмас, табиий йўл билан дунёга келгани ҳақида ёлғон гапирганини тан олади: «Мен буни яшириш учун жуда кўп ҳаракат қилдим, ахир ўзим туғолмаганим учун ўзимни омадсиз аёлдек ҳис қилдим».

Буюк Британиядаги Ота-оналар хайрия ташкилоти вакили Кейт Уинслетнинг баёнотига шундай изоҳ беради: «Бу туфайли аёлларнинг ўзини омадсиз деб ўйлашини эшитиш жуда ачинарли. Агар у шошилинч шу қарорга келинган бўлса, демак, она учун хавфсиз йўл шу бўлган».

Эмма Робертс

Яқинда берган интервьюсида актриса Эмма Робертс ҳомиладор бўлишга қийналгани ҳақида гапириб берди. Бахтли ҳодисадан бир неча йил олдин, текширув вақтида келажакда юзага келиши мумкин бўлган муаммолар туфайли актрисанинг тухумдонини музлатиш тавсия этилган.

«Ҳар доим ҳомиладор бўлиш табиий жараён деб ўйлардим. Мен бу муаммога дуч келган бошқа аёллар билан мулоқот қила бошладим. Ёлғиз эмаслигимни билганимдан кейин ўзимни хотиржам ҳис қилдим», — дейди актриса. Эммани ҳайратда қолдиргани шундаки, у бу ҳақда тинмай ўйлашни тўхтатгандагина, ҳомиладорлик табиий равишда содир бўлди. 2020 йил охирида Эмма Родос исмли ўғил кўрди.

Кортни Кокс

40 ёшга тўлишидан сал олдин «Дўстлар» сериали юлдузи бир нечта муваффақиятсиз уринишлардан сўнг ЭКУ орқали ягона қизи Кокони дунёга келтирди. «Оиламда ҳеч ким фарзанд кўриш билан боғлиқ муаммоларга дуч келмаганди. Шунинг учун бунга мен дуч келишимни тасаввур ҳам қилолмасдим», — деб эслайди у. Кортнининг сўзларига кўра, уни машҳур қилган сериалдаги ҳазиллардан бутун дунё кулган бир пайтда, у ҳомиладор бўлишга уринишда руҳий оғриқни бошдан кечирган: «Ҳомиламнинг нобуд бўлиши Рейчел фарзандли бўлган саҳналар суратга олинаётган пайтда содир бўлди. Худойим, ўша дамда кулгили бўлиш қанчалик даҳшатли эди», — деб хотирлайди актриса.

Приянка Чопра

Актриса Приянка Чопра ва унинг турмуш ўртоғи, мусиқачи Ник Жонас Instagram’даги саҳифаларида суррогат она ёрдамида фарзандли бўлишгани туфайли шахсий ҳаётларини ҳурмат қилишни сўраб изоҳ қолдиришди. Бахтли воқеадан бироз олдин Приянка Ник билан фарзанд кўришни хоҳлайсизми, деган саволга келажакда фарзанд кўришга умид қилишларини ва агар бу содир бўлса, у ва эри чақалоққа ғамхўрлик қилиш учун ишларидан осонгина воз кечишларини айтганди.

Мерайя Кери

2008 йилда Мерайя Кери очиқчасига қўполликка дуч келди: шоу пайтида бошловчи Elleн ДеЖенерес қўшиқчидан ҳомиладор ёки йўқлигини сўраб қолди. Ўша вақтда Мерайя ҳақиқатан ҳам ҳомиладор эди, лекин бу ҳақда ҳеч кимга айтгиси келмасди, чунки аввалги ҳомиласи нобуд бўлганди. Бундай вазиятда у ўзини ноқулай ҳис қилди, лекин у фарзанд кутаётганини тан олиши керак эди. Бир мунча вақт ўтгач, қўшиқчи яна ҳомиласидан айрилди. У узоқ кутилган фарзандлари — эгизаклар Монро ва Мароканни 2011 йилдагина дунёга келтира олди.

Селин Дион

Оилада 14-фарзанд бўлган канадалик қўшиқчи учта ўғил — Рене, Нелсон ва Эддининг онаси бўлгунга қадар узоқ ва қийин йўлни босиб ўтган. 2001 йил январь ойида Нью-Йоркдаги клиникада бепуштлик бўйича даволанган ва 2 та кичик жарроҳлик амалиётидан сўнг Селин Дионнинг биринчи ўғли туғилган. 9 йил ўтгач, 42 ёшли қўшиқчи олтита муваффақиятсиз ЭКУ уринишларидан сўнг эгизакларни дунёга келтирди.

Крисси Тайген

Америкалик модель ва телебошловчи Крисси Тайген ҳам фарзандларини ЭКУ ёрдамида дунёга келтирган. «ЭКУ қилиш бўйича биринчи уриниш муваффақиятсиз тугади, мен ўзимни айблай бошладим. Аммо охир-оқибат ҳамма нарса амалга ошишига умид қилиш кераклигини англадим», — дейди у. Twitter фойдаланувчиси нима учун у табиий йўл билан ҳомиладор бўлолмагани ҳақида сўраганида, Крисси 9 йил давомида фарзанд кўришга уринганини, аммо бари зое кетганини сўзлаб берди. «Ҳар гал кимдир мендан фарзандли бўлоласизми, деб сўраса: Бир кун туғишни жуда хоҳлайдиган, аммо туға олмайдиган аёлдан шундай деб сўрасанг, у жуда хафа бўлади, деб жавоб қайтарардим», — дейди модель.

Сара Жессика Паркер

Интервьюларининг бирида актриса ўғли Жеймс туғилгандан сўнг, турмуш ўртоғи актёр Метю Бродерик билан бир неча йил давомида яна фарзанд кўришга уринишганини тан олган. Ҳеч қандай натижа бўлмагандан сўнг 2009 йилда суррогат она ёрдамида икки нафар фарзандли бўлишди. 44 ёшли актриса Марион ва Табита исмли эгизак қизларнинг онаси бўлди. Суррогат оналик ҳақида гап кетганда Сара Жессика Паркер: «Иложи бўлганида, ўзим туғган бўлардим», — дейди.

Эмма Томпсон

«Гарри Поттер», «Ақл ва ҳиссиёт» ва «Круэлла» фильмларидаги роллари билан танилган Эмма Томпсон 39 ёшида ЭКУ йўли билан ягона қизини дунёга келтирди. Кейинчалик ҳам британиялик актриса ЭКУ ёрдамида яна ҳомиладор бўлишга бир неча бор уриниб кўрди, аммо барча уринишлар муваффақиятсиз тугади. «Мен чуқур клиник депрессияга тушиб қолдим, — дейди у. — Аммо энди қизимга ука ёки сингил олиб келолмаганим учун ўзимни айбламайман». 2003 йилда Эмма ва унинг турмуш ўртоғи, актёр Грег Уайз ўғил фарзанд асраб олишди.