Instagram: Отасига машина совға қилган хонанда, сериал учун сочини кестирган актриса, Озодбек Назарбеков бисотидаги энг қадрли нарса нима?

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Актриса Нигина Анорбоева «55 офицер» деб номланган сериалда орган ходими ролини ижро этмоқда. Нигина ушбу рол учун режиссёрнинг талаби билан имижини ўзгартирган ҳамда узун сочларини калталатган.

Ҳосила Раҳимова кузатувчиларига янги сурат билан кўриниш берди.

Раққоса Паризода оиласи билан тоғда дам олаётгани акс этган видеони саҳифасига жойлади.

Шаҳзода Муҳаммедова қайнонаси ва қизалоғи билан Абу-Даби шаҳридаги Шайх Зайд масжидини зиёрат қилди.

Таниқли турк ошпази Бурак Ўздемир ўзбек миллий пишириқларидан татиб кўрди.

Баҳора Арслонова фолловерларига яхши кўрган инсонлари билан кўпроқ вақт ўтказишни маслаҳат бермоқда.

«Менинг юртим» телеканалининг таниқли бошловчи Анвар Азимов онасининг юбилей ёшини катта тантана билан нишонлади. Туғилган кунда ўзбек шоу-бизнесининг кўплаб вакиллари меҳмон бўлди.

Маданият вазири Озодбек Назарбеков бисотидаги энг суюкли, қадрли нарса онасининг хотираси ҳамда суратлари эканлигини маълум қилди.

Шаҳло Зоирова Андижонда ўзининг келин либослари салони филиалини очди.

Турк киносининг энг ёрқин жуфтликларидан бири Кадир Догулу ва Неслиҳан Атагул бирга тушган суратини саҳифасига жойлади.

Хонанда Нодир Зоитов 2 февраль куни «Отам» деб номланган қўшиғини мухлислари эътиборига ҳавола этди. Шунингдек, у ўша куни отасига Gentra автомобилини совға қилди.

Зиёда турмуш ўртоғи билан тушган архив суратини фолловерлари билан бўлишди.

Ўзбекистон халқ артисти Юлдуз Усмонова «Севги» деб номланган қўшиғига ишланган клипни тақдим этди.

Муниса Ризаева созандалари таркибини янгилаганини маълум қилди.