Актриса, хонанда, модель ва ижодкорларнинг кўп вақти йўлда, суратга олиш майдончасида, репетицияда ва овоз ёзиш студияларида ўтади. Шунинг учун улар тўлақонли оилавий муносабатларни ва фарзандларининг шахсий тарбиясини фақатгина орзу қилади. Аммо ҳамма машҳур аёллар ҳам бундай йўл тутмайди.
AdMe нашри қайси машҳур аёллар оиласи учун (бир мунча вақт бўлса ҳам) карьералари билан хайрлашгани ҳақида маълумот беради.Дрю Берримор
https://www.instagram.com/p/CMKljKzDorL/
«Чарли фаришталари» фильми юлдузи Дрю Берримор ҳозирча катта экранга чиқишни режалаштирмаяпти. Унинг фильмларда суратга тушишдан воз кечиш қарорини қизлари Оливье ва Фрэнки туғилгандан кейин қабул қилган. У болаларни ўзи тарбиялаш ниятида энага ёлламади. Аммо Дрю Берримор қизлари улғайгач, ҳамма нарса ўзгариши мумкинлигини инкор этмайди.
Элизабет Хёрли
https://www.instagram.com/p/B3dAZrGFmS8/
2005 йилда Элизабет Хёрли ўғлининг тарбиясига эътибор қаратиш учун кинокарьерасидан узайтирилган таътилга чиқди. «Остин Пауэрс» юлдузи 2004 йилдан 2010 йилгача фильмларда суратга тушмади.
Кетрин Хейгл
https://www.instagram.com/p/CKmpHuKh5zJ/?utm_source=ig_web_copy_link
«Эҳтирос анатомияси» фильмини суратга олишда тиғиз иш жадвалидан бўш вақт топа олмаслик ва оналик машаққати туфайли Кетрин Хейгл асабий бўлиб қолганини ҳис қилди. Охир-оқибат иш иккинчи даражага ўтди, у суратга олиш ишларида танаффус қилди, кейин эса сериални бутунлай тарк этди.
Жизел Бюндхен
https://www.instagram.com/p/CVGH3tMgoC5/
2015 йилда супермодель 20 йиллик ишидан сўнг моделлик фаолиятини якунлади. Шу билан бирга, Жизел нафақага чиқмаётганини, шунчаки оиласи билан кўпроқ бирга бўлишни хоҳлашини таъкидлади.
Гвинет Пелтроу
https://www.instagram.com/p/B-sMK7ODBsh/
Гвинет Пелтроу 2004 йилда биринчи марта она бўлганидан сўнг дарҳол ўша пайтда суратга тушаётган фильмларини камайтирди. Бунинг ўрнига у «Зарарланиш» ва «Темир одам» каби фильмларда кичик ролларни ўйнади.
Камерон Диас
https://www.instagram.com/p/9wmaXUiF4v/
2017 йил июль ойида Кемерон Диас туганмас суратга олиш ишларидан чарчаганини айтди ва 2018 йил март ойида у кинони тарк этаётганини, оиласи унинг биринчи ўринда эканини тан олди. У илгари фильмларда суратга тушиш учун ажратган кучини энди ўзининг кичик оиласига бағишламоқда.
Сара Мишел Геллар
https://www.instagram.com/p/B2o7a_EjOcV/
Сара Мишел Геллар 2009 йилда биринчи марта она бўлганидан кейин актрисалик фаолиятида танаффус қилди. Кейин фарзандлари билан кўпроқ вақт ўтказиш учун у фильм ва мультфильмлар дубляжи билан шуғуллана бошлади.
Кристина Агилера
https://www.instagram.com/p/CDm4GO-pxmf/
Кристина Агилера учун болалар биринчи ўринда туради. Хонанда болалар учун гастрол сафарларини 10 йилгача тўхтатган. Унинг очиқчасига тан олишича, оналик ва карьерани бирлаштириш жуда қийин. Аммо у «Овоз» шоусидаги мураббий ролига рози бўлди, чунки гастрол жадвали билан солиштирганда, бу болалар билан кўпроқ вақт ўтказиш учун ажойиб имконият эди.
Робин Райт
https://www.instagram.com/p/CLK70NnBZDh/
Робин Райт ўзининг катта ёшли болаларига ғамхўрлик қилиш учун актрисалик фаолиятини тўхтатиб қўйишдан қўрқмади, турмуш ўртоғи Шон Пенн эса фаолиятини давом эттирди. У буни ҳар доим она бўлишни хоҳлагани ва болалари унинг учун биринчи ўринда эканлиги билан изоҳлади. Унинг фикрича, ота-оналардан бири ишлаётганида, иккинчиси болалар тарбиясига эътибор қаратиши керак.
Жессика Альба
https://www.instagram.com/p/CTgS6BqHQv7/
Жессика Альба айни шон-шуҳрат чўққисида актрисалик фаолиятини якунлади. У ўз карьерасидаги туб бурилишни 2008 йилда қизи Онор туғилгандан кейин дунёқарашининг ўзгаргани билан боғлади. Кейин эса унинг яна икки фарзанди дунёга келди: қизи Хейвен ва ўғли Хейс.
Изоҳ (0)