Шавкат Мирзиёев 2 февраль куни чиқиндилар билан ишлаш тизимини такомиллаштиришга доир йиғилишда маиший чиқиндига тўлов йиғиш тизими ҳақида гапириб ўтди. Бу ҳақда Президент матбуот котиби Шерзод Асадов хабар қилди.
Қайд этилишича, йиғилишда Тошкент шаҳридаги «Махсустранс» корхонасининг трансформация жараёнларини якунлаб, унинг негизида хусусий шерикчилик корхонасини ташкил этиши зарурлиги кўрсатиб ўтилган.
Маиший чиқиндига тўлов йиғишнинг амалдаги тизими самарасиз экани таъкидланиб, хорижий экспертларни жалб қилган ҳолда маиший чиқиндиларга тўловларни ундиришнинг мутлақо янги тизимини яратиш вазифаси қўйилган.
Шунингдек, органик, қурилиш, тиббиёт чиқиндиларини йиғиш, саралаш, олиб чиқиш, қайта ишлаш ва утилизация қилишнинг хавфсиз тизимини яратилади. Шу муносабат билан 1 июлга қадар чиқинди корхоналари негизида ҳар бир вилоятда 1 тадан тиббиёт чиқиндиларини утилизация қилиш марказини ташкил этиш топширилган.
Мавзуга доир: