УЕФА «Реал» бош мураббийи Карло Анчелоттидан мураббийлик имтиҳонини топширишни сўради.
Football Italia нашрининг хабарига кўра, Анчелоттининг мураббийлик лицензияси муддати 2021 йилнинг 31 декабрида ўз ниҳоясига етган. Анчелотти яна жамоаларни бошқара олиши учун УЕФА ундан имтиҳон топширишни талаб қилмоқда. Ташкилот 62 ёшли мутахассисга лицензия узайтирилиши учун рухсатнома олиши кераклиги борасида огоҳлантириш хати жўнатган.
Испания футбол федерацияси эса УЕФА билан боғланиб, фаолияти давомида 1200 та ўйин ўтказган мураббийдан имтиҳон олиш шарт эмаслигини тушунтирган.
Маълумот учун, «Милан», «Челси», «ПСЖ» ва «Бавария» каби клубларда ишлаган Анчелотти 21 та совринни қўлга киритган. Италиялик мураббий 2021 йилнинг ёзида «Реал»ни қабул қилиб олган, унинг мадридликлар билан шартномаси 2024 йилга қадар мўлжалланган. Дон Карло бунгача 2013—2015 йилларда ҳам «қироллик клуби»ни бошқарган.
Изоҳ (0)