«Манчестер Юнайтед» ҳужумчиси Мэйсон Гринвуд Манчестер шаҳри полицияси томонидан ҳибсга олинди, дея хабар қилмоқда Daily Mail.
20 ёшли футболчи жинсий зўравонлик ва тан жароҳати етказиш бўйича гумонланмоқда.
30 январь куни футболчининг қайлиғи Ҳарриет Робсон футболчини зўравонликда айблаб, ижтимоий тармоқ орқали қонаган лаби ва танасидаги гематомалар тасвирланган фото ҳамда видеоларни эълон қилган. Шунингдек, қиз жинсий алоқага мажбурланаётгани ёзиб олинган аудиоёзувни ҳам эълон қилган.
«Манчестер Юнайтед» вазият юзасидан баёнот берди. Унда жамоа вазиятдан хабардор экани ва далиллар тасдиқланмагунига қадар бирор шарҳ берилмаслигини маълум қилган. Кейинчалик клуб Гринвудни машғулот ва ўйинлардан четлатди.
Аввалроқ «Манчестер Сити» ҳимоячиси Бенжамин Менди жинсий зўравонлик билан боғлиқ еттита ишда гумон қилинаётгани хабар қилинганди.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)