Қашқадарё вилоятида 2021 йил порахўрлик жинояти 2020 йилга нисбатан 41 тага кўпайгани маълум қилинди. Бу ҳақда Қарши шаҳридаги Журналистлар уйида вилоят суди раиси ва ўринбосарлари иштирокида бўлиб ўтган матбуот анжуманида маълум қилинди, дея хабар берди «Дарё» мухбири.
Қайд этилишича, 2020 йилда порахўрлик жинояти 68 тани ташкил қилган бўлса, 2021 йилда бу кўрсаткич 109 тага етган.
«Тўғри, 2021 йилда номусга тегиш, валюта айрибошлаш, ноқонуний четга чиқиш, автомобилни олиб қочиш каби жиноятлар камайган бўлса-да, айрим жиноятлар туманлар кесимида кўпайганини кўришимиз мумкин. Масалан, қасддан баданга оғир ва ўртача оғир шикаст етказиш 188 тадан 355 тага, яъни 167 тага кўпайган. Босқинчилик 4 тага, талончилик 36 тага, ўзлаштириш ва растрата йўли билан талон-тарож қилиш 256 тага, ўғрилик 70 тага, порахўрлик 41 тага, ҳаракат хавфсизлигини қоидаларини бузиш эса 109 тага, безорилик 38 тага кўпайганини кўришимиз мумкин», — дейди вилоят суди раиси Абдиқаюм Маҳкамов.
Қўшимча қилинишича, вилоятда қасддан одам ўлдириш жинояти ҳам ошган.
Абдуқаюм Маҳкамов аввалроқ судьяларга 2016 йилга қадар босим ўтказиш ҳолати рўй берганини, Президент Шавкат Мирзиёевнинг президентликка келиши ва одил судлов тизимини шакллантириш борасида амалга оширилган ишлар боис бу каби ҳолатларга чек қўйилганини билдирганди.
Мавзуга доир:
- Қашқадарёда нафақасини расмийлаштириб бериш эвазига 500 минг сўм пора олган шифокор 5 йилга қамалди
- Қашқадарёда ижтимоий сўровномада қатнашган ўқитувчиларнинг 42 фоизи ишга кириш учун директорга пора берилишини маълум қилган
- Қашқадарёда спорт мактаби директори 1,5 млн сўм пора олгани учун 5 йилга озодликдан маҳрум қилинди
Изоҳ (0)