Украинага Америка томонидан ажратилган ҳарбий ёрдам пакетининг иккинчи партияси етиб келди, деб хабар беради «Коммерсантъ». Мамлакат мудофаа вазири Алексей Резниковнинг сўзларига кўра, у 80 тонна қурол-яроғдан иборат.
Таъкидланишича, бир кун олдин Украинага юкнинг биринчи партияси — 90 тонна қуроллар олиб келинган.
«Киевдаги иккинчи қуш! Украина мудофаа қобилиятини кучайтириш учун АҚШдаги дўстларимиздан 80 тоннадан ортиқ қурол! Ва бу охиргиси эмас», — деб ёзади Резников Twitter’даги саҳифасига.
АҚШ Украина мудофаа эҳтиёжлари учун қўшимча 200 миллион долларлик ёрдам ажратган эди. АҚШ томонидан 2021 йилда Украинага жами 650 миллион долларлик ҳарбий ёрдам кўрсатилган. 2014 йилдан буён эса Украина 2,7 миллиард долларлик ёрдам олган.
АҚШ Давлат департаменти 24 январь куни Украинадаги америкалик дипломатларнинг оиласини «Россия томонидан амалга ошириладиган ҳарбий тажовузлар» сабаб эвакуация қилиш бўйича топшириқ берган. Киевдаги элчихона ходимларининг бир қисми мамлакатни ўз хоҳиши билан тарк этиши мумкин. Америкаликларга Украинага бормаслик ва Россияга ташриф буюрмаслик тавсия этилади. АҚШ Россия «исталган вақтда» Украинага ҳужум қилиши мумкинлигидан хавотирда.
Аввалроқ, 19 январь куни Британия Ҳарбий-ҳаво кучларининг C-17А Globemaster III оғир ҳарбий-транспорт самолёти уч кун ичида ҳисоб бўйича саккизинчи марта Украинага парвоз қилгани маълум бўлганди. Бунга қадар, Буюк Британия мудофаа вазири Бен Уоллес парламентдаги чиқишида, Бирлашган Қироллик Украинага танкка қарши қуролланишни етказиб беришини таъкдилаган эди.
Изоҳ (0)