1994 йилда Жим Керри кинода ўзига муваффақият ва шуҳрат олиб келган «Ниқоб» фильмида суратга тушган. Картина режиссёри Чак Рассел, Керрининг фильмдаги шериги эса Камерон Диас эди, актриса учун ҳам мазкур рол кинодаги дебюти бўлган. Жим Керри фильмдаги ўз қаҳрамони уятчан банк ходими прототипини ўз отасидан олган.Фото: New Line Cinema
1993 йилда Жим Керри бюджети катта бўлмаган «Эйс Вентура: уй ҳайвонлари изқувари» фильмида суратга туша бошлади ва у ерда сценарий муаллифи сифатида ҳам ишлади. Фильм режиссёри Том Шедяк, картинадаги аёл шериги эса — Кортни Кокс бўлган. Картинага 15 миллион доллар маблағ сарф қилиниб, якунда у 100 миллион доллар даромад кўрди.Фото: Warner Brothers
Ёруғлик менга тушиб турган, барча камералар менга қаратилган ва ўз миннатдорлик нутқимни саҳнадан туриб ўқимагунимга қадар ишимдан қониқмай ишлайвераман. Менимча, нима демоқчи эканимни яхши тушундингиз… «Оскар»ни қандай олишимни ва бу учун кинода нима қилишим кераклигини билмайман. Ҳа, мен шунақа мағрурман!Жим Керри
Гарчи қаҳрамонимизга «Оскар» олиш бахти ҳали насиб этмаган бўлса ҳам у «Олтин глобус» мукофоти ва бошқа кўплаб киномукофотлар лауреати бўлган. У яратган Эйс Вентура образи эса поп-қиёфага айланиб, Empire журналининг 100 та ўлмас персонажлар рўйхатига кирган. Бундан ташқари, актёр кўп марта MTV Movie Awards маросимида бир нечта номинацияларда ғалаба қозонган.Фото: Reuters
1998 йилда Жим Керри Путер Уирнинг «Труман томошаси» картинасида рол ижро этди. Труман Бербенк образи унинг биринчи драматик ролига айланди. Актёрнинг образга киришига ҳеч нима халақит қилмаслиги учун суратга олиш майдончасида Керрининг аввалги ролларидаги ҳазилларидан «луқма ташлаш» тақиқлаб қўйилганди.Фото: Reuters
2005 йилда Буюк Британиянинг Empire журнали «Сизнингча барча даврлар учун одамларнинг энг кўп ғашига тегувчи актёри ким?» деган сўровнома ўтказди. Жим Керри ушбу сўровномада кучли бешликка кирган.
2000 йилларда актёр комик амплуадан қочишга уринди ва «Ҳалокатли 23 рақами» номли психологик триллерда, шунингдек «Сени севаман, Филипп Моррис» ҳамда «Беғубор ақлнинг абадий қуёши» (Eternal sunshine of the spotless mind) фильмларида иштирок этди. «Беғубор ақлнинг абадий қуёши» энг яхши оригинал сценарий йўналишида «,Оскар»га лойиқ кўрилди, танқидчилар Жим Керри ҳамда Кейт Уинслетнинг ижросига юқори баҳолади.Фото: Focus Features
2005–2010 йилларда актёр фотомодель Женни Маккарти билан учрашишни бошлади. «Женни — мен ҳеч қандай шубҳасиз ҳаётимга олиб кирган биринчи аёл», – деган эди Керри.Фото: AP Photo
Комик дунёни ўз санъати билан ўзгартиришга мажбур эмас, лекин у ҳаётни янада меъёрийлаштириши мумкинЖим Керри
Фото: AP Photo
2008 йилда Пейтон Риднинг «Жаноб Ҳа» фильми экранларга чиқди, мазкур картинада Жим Керри Зоя Дешанел билан бирга суратга тушган. Актёр Карл Аллен ролига жуда жиддий ёндашди: корейс тилини ўрганди, бир қатор саҳналарни каскадёрсиз, ўзи мустақил амалга оширди, хусусан, тросда кўприкдан сакради.Фото: Reuters
Ҳаётим ҳаёт эмас, телба одам кўрган тушга ўхшайди
Фото: AP Photo
Актёр 2016 йилда экранларга чиққан «Ҳақиқий жиноят» ва «Ёмон партия» фильмларида ишлаган.Фото: AP Photo
2018 йилда «Ҳазиллашдим» сериалининг биринчи мавсумига старт берилди. Мазкур лойиҳада Жим Керри режиссёр Мишел Гондри билан ҳамкорликда ишлаган. Сериал болалар учун шоу яратган ижодкор ва унинг ҳаётидаги драматик ҳодисалар тўғрисида.Фото: Аggregate Films
2019 йилда Керри типратикан Соник ҳақидаги фильмда суратга тушди ва бош қаҳрамоннинг азалий душмани Доктор Роботник ролини ижро қилди. Фильмнинг иккинчи қисми 2022 йилда премьера қилинади. Актёрнинг ўзи роли ҳақида шундай фикр билдирган: «Яна бир марта суратга тушиш имкони бўлса, йўқ демасдим, чунки иш жараёни жуда қувноқ кечди, энг аввало одамларни ИҚ даражам баландлигига ишонтиришга уриндим... Роботник роли ҳали юқори чўққисига кўтарилгани йўқ»Фото: AP Photo
2020 йилда Жим Керри Saturday Night Live («Шанба оқшомидаги эфир») кечки шоу дастури бошловчилигига қайтди. Актёр АҚШ демократик партияси номзоди Жо Байден образида экранда намоён бўлди. У ва Алек Болдуин (Дональд Трамп) президентлик учун номзодлар дебатига пародия қилди.Фото: Getty Images
Изоҳ (0)