Ҳам чиройли кўринишга, ҳам мазали таъмга эга тортни тайёрлаб кўришни тавсия этамиз.

Фото: Lifehacker

Керакли маҳсулотлар:

  • банан – 3 дона;
  • ёнғоқ – 120 грамм;
  • ун – 190 грамм;
  • қабартма – 2 чой қошиқ;
  • тухум – 2 дона;
  • сариёғ – 300 грамм;
  • шакар – 200 грамм;
  • қаймоқ – 4 ош қошиқ;
  • ваниль – 1 чой қошиқ;
  • қаймоқли пишлоқ – 400 грамм;
  • қуюлтирилган сут – 270 грамм.

Тайёрланиш жараёни:

  1. Банан санчқи ёрдамида пюре қилинади. Ёнғоқлар ҳам майдаланади.
  2. Ун қабартма билан биргаликда элакдан ўтказилади ва туз билан аралаштирилади. Тухум сариғи оқидан ажратиб олинади.
  3. 100 грамм сариёғ ва шакар миксер билан аралаштирилади. Тухум сариғи  ва қаймоқ қўшиб, яна аралаштирилади.
  4. Ёғ массасига қуруқ маҳсулотлардан ун, банан, ёнғоқнинг ярми ва ваниль экстракти қўшилади.
  5. Тухум оқлари миксер қилинади ва эҳтиёткорлик билан хамирга солинади. Сўнгра икки қолипга қуйилади.
  6. Бисквитлар 30-40 дақиқа давомида 175 даража печда пиширилади. Сўнгра улар иккитадан тенг бўлакка бўлинади.
  7. Қаймоқли пишлоқ қуюлтирилган сут билан силлиқ бўлгунча кўпиртирилади. 200 грамм сариёғ ҳам миксер билан алоҳида идишда аралаштирилади.
  8. Сўнгра масса пишлоқли аралашмага қўшилади. Тайёр бўлган крем бисквитлар орасига суртилади ва 5-6 соатга музлаткичга қўйилади.
  9. Бисквитлар тайёр бўлгач крем, ёнғоқ ва банан билан тортга безак берилади.

Ёқимли иштаҳа!