Самарқанд шаҳрида 16 январь куни кучли шамол оқибатида кўп қаватли уйлардан бирининг томи учиб кетди. Бу ҳақда Самарқанд вилояти Ички ишлар бошқармаси хабар берди.
Қайд этилишича, шу куни соат 03:22 атрофида Гагарин кўчасида жойлашган 36-уйнинг том ёпмасининг бир қисми кучли шамол эсиши сабаб пастга тушиб кетган.
Содир бўлган ҳолат оқибатида жабрланганлар йўқ.
Ижтимоий тармоқларда тарқалган хабарда айтилишича, шамол оқибатида томи қулаб тушган кўп қаватли уй янги қуриб топширилган уй ҳисобланади.
Маълумот учун: вилоят Гидрометеорология хизматининг маълумотига кўра, 16 январь куни соат 03:17 ларда Самарқанд шаҳрида 15 метр/секунд тезликда шамол эсган.
Изоҳ (0)