Бугун,

  • USD 10940.05
  • RUB 182.26
  • EUR 11121.65

Вазирлар Маҳкамасининг «Ногиронлиги бўлган шахслар бандлигига кўмаклашишни рағбатлантиришга оид чора-тадбирларни амалга ошириш тартиби тўғрисида«ги қарор лойиҳаси жамоатчилик муҳокамасига қўйилди. Ҳужжат матни билан бу ерда танишиш мумкин.

Ҳужжатга кўра, ногиронлиги бўлган шахсларни ишга қабул қилган юридик шахсларга (бюджет ташкилотлари, давлат корхоналари, устав жамғармасида давлат улуши 50 фоиз ва ундан ортиқ бўлган юридик шахслар бундан мустасно) ҳар бир ходим учун 6 ой давомида ҳар ой базавий ҳисоблаш миқдорининг 1,5 баравари кўринишида субсидия берилади.

Маблағ Бандликка кўмаклашиш давлат жамғармаси маблағлари ҳисобидан ажратилади.

2022 йил 1 июлдан ногиронлиги бўлган шахсларнинг ижтимоий фаоллигини ошириш ва қўллаб-қувватлаш билан шуғулланувчи нодавлат нотижорат ташкилотларига БҲМнинг 200 баравари миқдорида ижтимоий буюртма берилади.

Президент фармонига кўра, 1 сентябрдан буён базавий ҳисоблаш миқдори 270 минг сўм ҳисобланади.

Ногиронлиги бўлган шахсни ишга қабул қилганлик учун субсидия олиш учун маҳаллий меҳнат органига зарур ҳужжатларни илова қилган ҳолда мурожаат қилинади. Мурожаат 3 иш кунида кўриб чиқилади.

Изоҳ
Асосий янгиликлар