Москвадаги «Домодедово» аэропортидан Бухоро томон учиши керак бўлган самолёт Самарага режалаштирилмаган қўнишни амалга оширди, деб хабар беради Telegram’даги Aviaincident канали.
Маълум қилинишича, Тошкент вақти билан соат 07:38 да ҳавога кўтарилган Red Wings Airlines авиакомпаниясига тегишли самолёт йўловчилардан бирининг аҳволи оғирлашгани (38 ёшли аёл, ҳомиладор, қон кетиши) ҳақида маълум қилиб, Самарадаги аэродромга режалаштирилмаган қўнишни амалга оширишга қарор қилган. Шунингдек, экипаж етиб келиши билан тез ёрдам сўраган.
Аввалроқ Москва—Қарши йўналиши бўйича парвозни амалга оширган Россиянинг «Сибир» авиакомпаниясига тегишли самолёт 11 январь куни соат 01:42 да Урганч халқаро аэропортида фавқулодда қўнишни амалга оширгани тўғрисида хабар берилганди. Фавқулодда қўниш йўловчилардан бирига — Тожикистон фуқаросига тезкор тиббий ёрдам керак бўлиб қолгани сабаб амалга оширилган.
Мавзуга доир:
Изоҳ (0)