Сирдарё вилояти Мирзаобод туманида Йўл-патруль хизмати ходими автомобиль ҳайдовчисининг маст ёки маст эмаслигини аниқлаш учун алкотестер ўрнига бир маротабалик стакандан фойдалангани хабар қилинганди. Йўл ҳаракати хавфсизлиги бош бошқармасининг хабар қилишича, ЙПХ ходимига интизомий жазо чораси қўлланилган.
Ҳолат юзасидан Сирдарё вилояти ИИБ ЙҲХБ масъул ходимлари томонидан хизмат текшируви ўтказилаётгани, ўрнатилган тартибга зид равишда хизмат олиб борган ходимга нисбатан интизомий жазо чораси қўлланиши айтилганди.
Текширув хулосасига кўра, хизмати мобайнида «Транспорт воситалари ҳайдовчиларининг маст ҳолатда эканини аниқлаш тартиби тўғрисидаги низом» ҳамда ички ишлар вазирининг айрим меъёрий буйруқлари талабларини бузгани учун ЙПХ инспектори О.Э.га нисбатан «Ҳайфсан» интизомий жазоси қўлланилган.
Изоҳ (0)