Олий Мажлиснинг Инсон ҳуқуқлари бўйича вакили (омбудсман) томонидан 38 нафар фуқаронинг «Усмон Юсупов Агросервис машина трактор парки» масъулияти чекланган жамияти томонидан иш ҳақи пулларини ўз вақтида тўланмаётгани масаласида ёзган мурожаати ўрганиб чиқилди.
Ўрганиш жараёнида аниқланишича, «Усмон Юсупов Агросервис машина трактор парки» МЧЖ 2020 йил 1 августдан то 2021 йил 1 октябргача ишланган давр учун ходимларига 335 610 914 сўмга яқин иш ҳақларини тўламаган.
Ваҳоланки, «Узагросервис» АЖ томонидан Қорақалпоғистон ва вилоят «Агросервис МТП» МЧЖ раҳбарларига 2021 йил 16 сентябрь куни йўллаган хатда, ишчи ходимларнинг ҳуқуқ ва қонуний манфаатлари ҳимоясини сўзсиз таъминлаш мақсадида раҳбарлик қилинаётган жамият ва қуйи корхоналарни иш ҳақи ва бюджет тўловларидан мавжуд қарздорликларини амалда ажратилаётган ғалла 2022 йил ҳосили учун имтиёзли кредит маблағлари ҳамда бошқа манбалар ҳисобидан ундириш чораларини кўрилишини талаб қилинган.
«Олий Мажлиснинг Инсон ҳуқуқлари бўйича вакили (омбудсман) тўғрисида»ги қонунининг 14-моддасига биноан Омбудсман томонидан Фуқаролик ишлари бўйича Касби туманлараро судига мурожаатчиларнинг манфаатларида даъво ариза киритилди. Даъво аризаси ўрганиб чиқилиб, суд буйруқлари билан умумий ҳисобда 335 610 914 сўм миқдорида иш ҳақи ундирилиши ва дарҳол ижрога қаратилиши белгиланди.
Изоҳ (0)