Ўзбекистон ва дунё бўйлаб ҳафта давомида олинган сара суратларни тақдим этамиз.
Покистоннинг Лаҳор шаҳрида ёмғирли кунларда пластик ёпинчиқ остида рикша ҳайдаб кетаётган киши. Фото: AFP
Қозоғистондаги оммавий норозилик намойишлари оқибатида мамлакатда қамоққа олинганлар сони 4,4 минг кишидан ошди. Республиканинг айрим шаҳарларида талончилик ишлари олиб борилди, радикаллар машиналарни ёқиб юборди. Фото: Getty Images
Кобулда бурқа кийган аёл қор ёғаётган пайтда кўчада тиланчилик қилмоқда. Фото: AFP
Гонконгда Қонунчилик кенгаши қароргоҳида қасамёд қабул қилиш маросимидан сўнг депутатлар биргаликда суратга тушмоқда. Фото: Getty Images
Наманган–Андижон автомобиль йўлининг Олтинкўл туманидан ўтувчи қисмида тўсиқларни бўёқлаётган ишчилар. Фото: «Дарё» / Умиджон Мамарасулов
Шри-Ланканинг Коломбо шаҳридаги таълим муассасасида коронавирусга қарши Pfizer-BioNTech вакцинаси билан эмланаётган талаба. Фото: AFP
Тошкент метрополитенида ўз юклари билан кетаётган одамлар. Фото: «Дарё» / Маъмуржон Обраҳматов
Эроннинг юқори мартабали ҳарбий қўмондони генерал Қосим Сулаймоний АҚШ ҳужуми оқибатида ўлдирилишининг икки йиллиги муносабати билан ўтказаётган маросимида уни суратини ушлаб турган аёл. Фото: Reuters
Наманган–Андижон автомобиль йўлининг Олтинкўл туманида ҳайдовчиларнинг йўл ҳаракати қоидаларига риоя қилишини таъминлаш учун махсус тайёрланиб жойлаштирилган ЙПХ автомашинаси. Фото: «Дарё» / Умиджон Мамарасулов
Қозоғистондаги тартибсизликлар оқибатида 18 нафар аскар ва полициячи ҳалок бўлди, бошқа томондан ўлганлар ҳақида ҳозирча маълумот йўқ. Фото: EPA
Болгариянинг Калофер шаҳридаги музлаган Тунджа дарёсида Эпифания байрамини нишонлаётган эркаклар. Фото: AP Photo
Каракасдаги Катия маҳалласида болалар футбол ўйнамоқда. Фото: AP Photo
Ғарбий соҳилда Исроил кучлари томонидан ўлдирилган фаластинлик Муҳаммад Ҳашашнинг дафн маросимида қатнашган аёллар. Фото: Reuters
Ирландиянинг Галвей шаҳрида кучли шамол пайтида денгизга сакраш учун тайёрланиб турган эркак. Фото: Reuters
Австриянинг Филзмос шаҳри яқинидаги қор билан қопланган ерда юрган чанғичилар. Фото: AP Photo
Иваново аэропортида Қозоғистонга учаётган ҳарбий-транспорт самолётига юкланишни кузатаётган Россия ҳарбий техникаси. Фото: AFP
Тинч океанидаги Галапагос архипелагидаги Изабелла оролида сўнгги етти йил ичида иккинчи марта отилган вулқон сабаб чиққан ёнғин. Фото: AFP
Мексиканинг Тлаҳомулко-де-Зунига шаҳрида Реес Магос фестивалида қатнашаётган католиклар. Фото: AFP
Кобулдаги қор билан қопланган Қарға кўли яқинида отлиқ «Толибон» ҳарбийлари. Фото: AFP
Ўзини Голливуд элчиси деб эълон қилган Грегг Донован Калифорнияда марҳум америкалик актёр Сидни Пуатенинг Шон-шуҳрат хиёбонидаги юлдузи ёнига гул қўйди. Фото: EPA
Токиодаги коронавирус пандемияси даврида қорли кўчада юрган транспортлар. Фото: Reuters
Аввалги кунларнинг фотогалереялари:
Муқаддас сувда ювинтирилган от, Теҳрондаги ракеталар намойиши, ёмғирли Қўқон. 7 январь суратлари Фарғона йўлидаги туман, оқ ва қоралар карнавали, саҳродаги бахтсиз ҳодиса. 6 январь суратлари Намойишлар ичра қолган Қозоғистон, масжидга эвакуация қилинган одамлар, 700 та қўй ва эчкидан иборат улкан шприц. 5 январь суратлари Арабистонда ўтаётган Дакар раллиси, асаларичиларнинг норозилик намойиши, биринчи иш кунидаги ибодат. 4 январь суратлари Президент тақдирлаган Абдусатторов, Кореяда ҳосил бўлган музли девор, пушти тусга кирган кўл. 3 январь суратлари Янги йилни биринчилардан бўлиб кутиб олганлар, кўл тубига ўрнатилган арча, ғаввос қорбобо. 31 декабрь суратлари Аргентинада кузатилаётган жазирама, озиқ-овқат танқислигига дуч келган афғонлар, Янги йил ярмаркаси. 30 декабрь суратлари
Изоҳ (0)