Республика Гидрометеорология маркази дам олиш кунлари қуруқ ва нисбатан салқин об-ҳаво бўлиши кутилаётганини маълум қилди.
Қайд этилишича, 8 январь куни Ўзбекистоннинг шимолий ҳудудларига, 9 январь куни республиканинг барча ҳудудларига Волга бўйи ҳудудларидан қуруқ, лекин нисбатан совуқ ҳаво массалари кириб келиши кутилмоқда.
Ҳаво ўзгариб туради, ёғингарчилик кутилмайди. Республика бўйича баъзи жойларга туман тушиши кузатилади. Кечалари ҳарорат бироз салбий қийматларгача пасаяди, кундуз кунлари эса ҳаво ҳарорати 5-10 даража илиқ атрофида бўлади. Бундай ҳарорат фони январь ойининг биринчи ўн кунлиги охири учун хосдир.
Аввалроқ «Ўзгидромет» 2022 йилнинг январь ойига Ўзбекистон бўйича об-ҳаво прогнозини эълон қилганди.
Мавзуга доир: ФВВ Чимёнда қор кўчиш хавфидан огоҳлантирди
Изоҳ (0)