Бухоро вилояти Вобкент туманида каналга тушиб кетган Cobalt автомобили махсус техникалар ёрдамида чиқариб олинди, деб хабар беради ИИВ ЙҲХББ ахборот хизмати.
Маълум қилинишича, 26 декабрь куни туман ФВБга Cobalt автомобиль ҳайдовчиси И.Х. (1997 йилда туғилган) рул бошқарувини йўқотиши оқибатида Шоҳруд каналига тушиб кетгани тўғрисида хабар келиб тушган.
Ҳодиса оқибатида тан жароҳати олган ва ҳалок бўлган фуқаролар йўқ.
«Воқеа жойига зудлик билан туман ФВБ қутқарувчилари ва тегишли хизмат ходимлари етиб келган. Махсус техника ёрдамида транспорт воситаси каналдан олиб чиқилган», — дейилади хабарда.
Аввалроқ Бухорода Matiz бошқарувни йўқотиб, оқар сувга тушиб кетиши оқибатида ҳайдовчи вафот этгани, Фарғонада «Жигули»нинг каналга тушиб кетиши оқибатида 3 киши ҳалок бўлгани тўғрисида хабар берилганди.
Изоҳ (0)