Шимолий Корея гипертовушли ракетани муваффақиятли синовдан ўтказди. Бу ҳақда Корея Марказий телеграф агентлигига таяниб, Yonhap агентлиги хабар берди. Таъкидланишича, ракета 700 километр узоқликдаги нишонни яксон қилган.
Жанубий Корея Бирлашган штаб бошлиқлари қўмитаси олдинроқ КХДР Япон денгизи томон снаряд учиргани ва бу баллистик ракета бўлиши мумкинлигиини маълум қилганди. Токио маълумотларига кўра, ракета Япон денгизига қулаган.
Эслатиб ўтамиз, 2021 йилнинг 28 сентябрь куни Шимолий Корея мамлакат тарихида биринчи марта гипертовушли ракета учирганди. КХДР маълум қилишича, «Хвасон-8» деб номланган ушбу турдаги ракета синовлари муваффақиятли ўтган. Шунингдек, ўша куни Жанубий Корея штаб бошлиқлари қўмитаси КХДР Япон денгизи томон камида битта ракета учирганини маълум қилди. Kyodo манбаларига кўра, бу қисқа масофали баллистик ракета бўлган.
Мавзуга доир:
Изоҳ (0)