Россиянинг S7 Airlines авиакомпаниясининг Нижний Новгороддан Тожикистоннинг Хўжанд шаҳрига учган самолёти Тошкентга фавқулодда қўнди. Бу ҳақда Telegram’даги «Новости Ташкентского неба» канали хабар берди.
Маълум қилинишича, 5 январь куни учган Boeing 737-800 йўловчи самолёти об-ҳаво шароити — туман, горизонтал кўрувчанлик 100 метр, ҳаво намлиги 93 фоиз бўлгани сабабли Ислом Каримов номидаги Тошкент халқаро аэропортига қўнишга мажбур бўлган.
S7 Airlines авиакомпанияси маълумотларига кўра, ушбу рейс Тошкент вақти билан соат 11:47 да Хўжандга етиб борган.
Эслатиб ўтамиз, 4 январь куни Қозоғистоннинг Fly Arystan авиакомпаниясига тегишли Туркистондан Истанбулга учаётган самолёт Урганчга фавқулодда қўнганди. Бунга йўловчилардан бири — Туркия фуқаросига шошилинч тиббий ёрдам зарурлиги сабаб бўлган.
Мавзуга доир: Ўзбекистондан Ақтауга мунтазам парвозлар бекор қилинди
Изоҳ (0)