Исмини ўзгартирмоқчи бўлган Киану Ривз, илмий мақолалар ёзган Натали Портман. Ҳатто энг ашаддий мухлисларга ҳам номаълум бўлган машҳурлар билан боғлиқ фактлар

Юлдузлар ҳақида ҳамма маълумотни биламан деб ўйлаганлар янглишади. Негаки ҳатто энг ашаддий мухлислар ҳам бехабар бўлган маълумотлар йўқ эмас. AdMe нашри машҳурлар билан боғлиқ ҳаммага ҳам маълум бўлмаган фактларни эътиборингизга ҳавола қилади.

Натали Портманнинг мақоласи илмий журналда чоп этилган

Ўрта мактабда ўқиб юрган пайтлари Кимёвий таълим журналида Наталининг «Шакардан водородни ферментатив ишлаб чиқаришнинг оддий усули» мақоласи чоп этилган. Кейинчалик эса у Гарварддаги талабалик йилларида бошқа бир тадқиқотнинг ҳаммуаллифи бўлган.

Ребел Уилсон «Оскар» билан боғлиқ галлюцинациядан кейин актриса бўлишга қарор қилган

Ребел Уилсон 17 ёшида актриса бўлишга қарор қилган ва бунга Зимбабведа содир бўлган ҳодиса сабаб бўлган. Безгак билан оғриган Ребел қаттиқ иситмалаганда «Оскар» тақдирлаш маросимида нутқ сўзлаётгани кўзига галлюцинация бўлиб кўринган. «Бу шунчалик ойдин эдики, тузалганимдан кейин бунда бир белги бор деб билиб, актриса бўлишга қарор қилдим», — деган у.

Элвис Пресли аслида малласоч бўлган

Элвисни мухлислар нафақат хушовоз хонанда, балки тим қора сочли, келишган актёр сифатида яхши билган. Мовий кўзли Элвис аслида малла бўлган, сочларини ўсмирлик давриданоқ бўяб юрган. У шундай қилсам киноплёнкада яхшироқ кўринаман деб ҳисоблаган. У замонлар косметик воситалар қиммат бўлгани ҳисобига у сочларини бўяш учун пойабзал мойидан фойдаланган.

Дэниэл Редклиффни Гарри Поттернинг кўзойнагига аллергияси бўлган

Гарри Поттернинг кўзойнаги, афсунгар болакай образининг ажралмас қисми ҳисобланган муҳим деталдир. Аммо суратга олиш жараёнида айнан мазкур кўзойнак билан боғлиқ ёқимсиз ҳодиса содир бўлган. Гарри Поттерни гавдалантирган Редклиффнинг кўзойнак материалининг таркибидаги никел (кимёвий элемент)га аллергияси бўлган. Бу ҳақида суратга олиш жараёнида актёрнинг кўзлари атрофида оқ доғлар пайдо бўлганидан кейингина маълум бўлган. Ушбу муаммони ҳал қилиш учун янги кўзойнак аллергия келтириб чиқармайдиган материалдан ясалган.

Бейонсе шарафига номланган пашша

2012 йил Австралиянинг Квинсленд шаҳридан топилган пашша хонанда Бейонсе шарафига Scaptia beyonceae деб аталган.

«Форрест Гамп» фильмидаги баъзи саҳналар суратга олиниши учун Том Хенкснинг ўзи пул тўлаган

«Форрест Гамп» фильмининг бюджети 55 миллион долларни ташкил қилган ва бу 1994 йилга нисбатан анча катта маблағ бўлган. Харажатларнинг ошиб кетгани ҳисобига суратга олиш ишларини молиялаштирувчи Paramount студияси айрим саҳналар, хусусан, бош қаҳрамонни Америка бўйлаб югуришини олиб ташламоқчи бўлган. Том Хенкс ва режиссёр Роберт Земекис харажатларни қоплаш учун фойданинг бир қисмини сарфлашга қарор қилган. Аммо бу бесамар бўлмаган The Hollywood Reporter маълумотига кўра, актёр фильм ортидан 65 миллион доллар ишлаб топган.

Женнифер Лоуренснинг «H2О» татуировкаси бор

Берган интервьюлардан бирида Женнифер кўпроқ сув ичишга ҳаракат қилиши ва буни эслатиб туриши учун «H2О»ни татуировка қилиб туширганини маълум қилган. Аммо ундаги 2 рақами нотўғри акс этган.

Киану Ривз исмини Чак Спадинга ўзгартириши мумкин эди

Жимми Феллонга берган интервьюсида Киану исмини Чак Спадин ёки Темплтон Пейжга ўзгартириши мумкин бўлганини маълум қилган. Актёр Голливудда энди фаолиятини бошлаганда агентлари унга исмини жарангдорроқ бошқа бир вариантга ўзгартириши кераклигини айтган.

Леонардо Ди Каприо исмини Ленни Уильямсга ўзгартириши мумкин эди

Карьерасини энди бошлаган Леонардо агент топиш билан боғлиқ қийинчиликларга дуч келган. Топган янги агенти эса унга исмини Ленни Уильямсга ўзгартиришни таклиф қилган. Аммо актёр бунга рози бўлмаган.

Леонардо Ди Каприога бежиз бундай исм қўйилмаган

Бўлажак актёрнинг онаси Ирмелин унга ҳомиладор вақтида Флоренциядаги Уффитси галереясида италиялик рассом ва олим Леонардо да Винчининг асарларини томоша қилган. Ўша пайтда у қорнидаги боласининг тепаётганини ҳис қилган ва бўлажак ўғлига Леонардо деб исм қўйишга қарор қилган

Стивен Кинг 6—7 ёшидан ёза бошлаган

ХХ асрнинг энг машҳур ёзувчиларидан ҳисобланган Стивен Кинг, берган интервьюларида ёзишни 6 ёки 7 ёшдан бошлаганини маълум қилган.

Майкл Жексон мусиқа ўқиш ёки ёзишни билмаган

Майкл Жексон композитор-ижрочи эканига қарамай, мусиқа ёзиш ва ўқишни, чолғу асбобларини чалишни унчалик яхши билмаган. У қўшиқларининг бир қисмини ёзиб, қилган хиргойисини магнитофонга ёзиб олган.