Жаҳон киноси юлдузи Жерар Депардье 2021 йил 27 декабрь куни 73 ёшни қарши олди.
Жерар Депардье 1948 йил 27 декабрда Франциянинг Шатору шаҳрида туғилган. Бўлажак актёрнинг оиласи қашшоқликда яшаган ва молиявий муаммолар туфайли унинг ота-онаси фарзандларига кам вақт ажратган ва бефарқ бўлган. Муаммоларга қарамай, Жерар мактабда яхши ўқиди, лекин фақат бошида, орадан бир мунча вақт ўтгач, у ўқишни тарк этди.
Натижада 1962 йилда у тўлиқ бўлмаган ўрта маълумот тўғрисида ҳужжат олди, шундан сўнг у босмахонага ишга кирди. Шу билан бирга, Жерар авиабазада ёқилғи ўғирлаган бир гуруҳ тенгдошлари билан муносабат ўрнатди. Эндигина 16 ёшга кирган бўлажак актёр полициячилар томонидан ҳибсга олинди ва уч ҳафта давомида қамоқда қолди.
Ногаҳон Парижда яшовчи дўстларидан бири уни ўз ёнига таклиф қилганида Жерарнинг ҳаёти бирдан ўзгариб кетди. Депардье уйидан қочиб, Франция пойтахтига дўстининг актёрлик дарсларида нима қилаётганини кўриш учун кетди. Дўстининг ўқитувчилардан бири Жерарни пайқаб қолди ва пантомимани тасвирлаб беришни сўради, у учун бу вазифа қийин эмас эди, чунки болалигида тез-тез имо-ишоралар ёрдамида мулоқот қилар эди. Ўқитувчига Депардье маъқул келди ва уни ўқишда қолишга таклиф қилди. Жерарнинг келажакда буюк актёр бўлиб етишганига қараганда, у таклифга рози бўлган.
Карьера
Жерарнинг фильмдаги дебюти ўтган асрнинг 60 йилларнинг ўрталарида содир бўлган. У Роже Ленарнинг қисқа метражли фильмида роль ижро этган. Бир мунча вақт ўтгач, у Анес Варданинг «Навсикая» («Наусика») тўлиқ метражли фильмида роль ўйнади. Кейинчалик яна бир нечта роллар ижро этди, лекин Бертран Блиенинг 1977 йилда премьераси бўлган «Валсчилар» картинаси унга шуҳрат келтирди.
«Валсчилар» фильмидаги муваффақиятли ролидан сўнг актёр экранларда тез-тез пайдо бўла бошлади, унинг фильмографиясидаги энг аҳамиятли роллар «Сўнгги аёл», «Дастрўмолингизни тайёрланг», «Йигирманчи аср» эди. «Сўнгги метро» мелодрамасидаги иши учун Жерар ўзининг биринчи кино мукофоти – «Цезарь»ни олди.
Депардье 80 йилларда комедияларда рол ўйнай бошлаганидан кейин машҳурликнинг янги тўлқинини ҳис қилди. Унга Пьер Ришар ва Жан Рено билан бирга роль ўйнаган «Сен гапирма!» фильми алоҳида муваффақият келтирди. 90 йилларнинг бошларида у асосий ролни ўйнаган «Сирано де Бержерак»да иштирок этди ва бу учун Депардье Канн кинофестивалида мукофотланди. Фильмнинг ўзи эса «Оскар», «Цезарь», «Палма» ва бошқа мукофотларга сазовор бўлган. Ушбу картинадан сўнг Голливуд Депардьега ўз эшикларини очди. Сўнгра Энди Макдауэл билан биргаликда «Яшаш ҳуқуқи» фильмида суратга тушди ва роли учун «Олтин глобус»ни олди.
Ҳозирда ҳам актёрнинг фильмографияси янги асарлар билан тўлиб бормоқда. Депардье фильмларда фаол иштирок этишда давом этмоқда, шунингдек, дубляж студиясида ҳам фаолият юритади.
Шахсий ҳаёт
Жерар бўлажак рафиқаси билан актёрлик мактабида ўқиётганда танишган. Бу 1968 йилда содир бўлди ва ўша пайтда Париждаги энг бадавлат оиладан бўлган Элизабет Гино унинг кўнглидан жой олди. 1970 йил 11 апрелда жуфтлик турмуш қурди.
1992 йилда Жерар ва Элизабетнинг ажрашиши маълум бўлди ва бу 1996 йилда амалга ошди. Маълумки, ажралиш сабаби Депардьенинг қизи Роксанани дунёга келтирган модель Каринн Силла билан муносабатлари бўлган. Аммо бу муносабат узоқ давом этмади, 1977 йилда Жерар актриса Карол Буке билан учраша бошлади. Буке жуда рашкчи эди, бу актёрга ёқмади ва 2005 йилда улар ажрашди.
Актёр тўрт нафар фарзандини расман тан олади: қизи Жюли ва ўғли Гийом рафиқаси Элизабетдан (Гийом 2008 йилда вафот этган), қизи Роксанна Каринн Силладан ва ўғли Жан камбожалик Хелене Бизотдан.
Номусга текканликда айбланган
2018 йилнинг ёзида актёрнинг бир қизни зўрлагани юзасидан аноним ариза ёзилди. Атрофдагиларнинг ҳеч бири актёрнинг буни қила олишига ишонмади ва унинг ўзи ҳамма нарсани рад этди. Кўп ўтмай, текширув ва сўроқлардан сўнг иш ёпилди.
2021 йилда қиз яна актёрни айблади, аммо бу сафар у ўз исмини яширмади. Актриса Шарлотта Арнольд ўзининг Twitter саҳифасида бутун воқеани эълон қилди. 2013 йилда Россия фуқаролигини олган Депардье айбловларни рад этди. Унинг адвокатлари актёр шаънини ҳимоя қилишга ваъда берди.
Изоҳ (0)