Instagram: Зара Ширинованинг гапларини «арзон пиар» деб атаган Райҳон, 2021 йилда Муниса Ризаева улгуролмаган иш, Сардор Мамадалиевдан Дубайга олиб боришни сўраган Севинч

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Актриса Феруза Норматова йиғлагани акс этган суратни саҳифасига жойлаб, «бу ёлғон дунёдан совиб бўлгани» ҳақида ёзди.

Хонанда Лола фолловерларига совуқ кунларда организмни иситиш хусусиятига эга қаҳвали ичимлик ресцептини ёзиб қолдирди.

Паризода тўнғич қизи Эъзозанинг туғилган кунини нишонлади.

Марям Тиллаева ота-онаси билан гаплашмаслиги ҳақидаги маълумотни ҳозирча изоҳлай олмаслиги, бироқ отаси билан алоқа ўрнатишга ҳаракат қилишини айтиб ўтди.

Нилуфар Усмонова онаси ва Мансур Агалиевнинг унинг фарзандлари билан қандай вақт ўтказиши акс этган видеони саҳифасига жойлади.

Маданият вазири Озодбек Назарбеков марҳум актёр Мирза Азизовнинг хонадонида бўлди.

Сардор Мамадалиев ва Севинч «Дубай» деб номланган дуэт қўшиғини премьера қилди. Қўшиқда Севинч Сардор Мамадалиевдан «Дубайга олиб боришини, Malibu ва Cabriolet ҳам олиб беришини» сўрайди.

Жавоҳир Зокиров меҳрибонлик уйлари тарбияланувчилари учун ташкил этилган Янги йил байрамида рол ижро этди.

Бошловчи Зара Ширинова Райҳон турмуш ўртоғи Фарҳод Алимовни ундан рашк қилишини айтганидан сўнг, Райҳон илк марта ушбу гапларга муносабат билдирди.

«Нима учун одамлар арзон пиар ортидан хайп қилади? Наҳотки у инсоний муносабатлардан устун бўлса? Наҳотки ор-номус, инсон шаъни ҳеч қандай қийматга эга бўлмаса? Наҳотки бир неча обуначини деб, бошқа инсонни камситиш мумкин бўлса?

Наҳотки инсонларга мана шундай машҳурлик керак бўлса? Нега машҳурликни ўз меҳнати ва ижоди билан қўлга киритиш мумкин бўлмаса? Нима учун кимнингдир ҳисобига машҳурликка эришилиши керак?», — деб ёзди Райҳон.

Хонанда, шунингдек, шаҳардаги АЁҚШлардан биридаги узоқ навбатда туришига ҳам тўғри келди.

Муниса Ризаева 2021 йилда улгура олмаган иши ҳақида гапирди.

«Акула» ҳажвий кўрсатувининг навбатдаги сонида Аваз Охун ҳам иштирок этди. Кўрсатувда қизиқчини қорбобо кийимидаги ЙПХ ходими тўхтатади.