Халқ депутатлари Норин туман кенгашининг навбатдан ташқари сессияси бўлиб ўтди. Бу ҳақда «Дарё» мухбири Азизбек Абдувалиев хабар бермоқда.
Сессияда ташкилий масала кўрилди. Туманнинг собиқ ҳокими Дилмурод Қодиров бугун, 22 декабрь куни бўлиб ўтган сессияда Косонсой тумани ҳокими этиб тасдиқланганди.
Вилоят ҳокими Шавкат Абдураззақов норинлик депутатларга Жўрабек Нурматов номзодини тавсия қилди. Жўрабек Нурматов 1979 йили Наманган вилоятининг Норин туманида туғилган. Маълумоти олий, 2003 йилда Андижон қишлоқ хўжалиги институтини тамомлаган.
У 2018 йилдан бери Норин тумани ҳокимининг биринчи ўринбосари лавозимида ишлаб келаётганди.
Жўрабек Нурматов туманни иқтисодий-ижтимоий ривожлантириш бўйича режалари ва йўл харитасини кенгашга тақдим қилди.
Депутатлар номзодни маъқуллаб, овоз берди. Нурматов Норин тумани ҳокими этиб тасдиқланди.
Изоҳ (0)