Металл губка ҳар бир ошхона учун керак бўлган нарсадир. Ахир куйган кастрюлкалар ва идишларни тозалаш учун ундан яхшироқ нарса йўқ. Аммо ундан ошхонадан ташқари, бошқа мақсадларда ҳам фойдаланиш мумкин.
Идиш ёки бошқа буюмларни ювишда раковина қувурига турли хил майда чиқиндилар кириб кетмаслиги учун металл губка ёрдамга келади. У ўзидан сувни ўтказиб, овқат қолдиқларини тутиб қолади ва қувурлар тиқилиб қолишининг олдини олади. Лекин металл губкадан фойдаланиб бўлгач, уни олиб ташлаш зарур. Акс ҳолда у занглаши мумкин.
Баъзи ҳолларда тозалаш учун металл губка қулайроқдир, чунки у думалоқ стол оёқлари ёки эшикнинг бурчаклари каби қийин бўлган жойлар учун кўпроқ мос келади. Эски бўёқни олиб ташлаш ёки гипсли сиртни текислаш учун ҳар қандай объектни бўяшдан олдин ундан фойдаланиш мумкин.
Уйда сичқонлар борми? Улар чиқиши мумкин бўлган ҳар қандай ёриқ ва тешикларни яхшилаб текшириб кўриш зарур. Агар бу каби тешиклар кабел ўтадиган жойларда ёки эшик рамкалари атрофида бўлса, уларни металл губка билан беркитиш мумкин. Сичқонлар ушбу ҳимоядан ўтолмайди, чунки улар металлни кемира олмайди.
Кичкина металл губка автомобиль чўткаси билан ишлашдан кўра анча қулай. Автомобиль шампуни билан бирга у кир, ёқилғи мойи ва зангни осонликча тозалайди.
Қайчини ўткирлашда нафақат фольга, балки металл губка ҳам ёрдам беради.
Занглаган жиҳозларни бўяш учун аввал зангини кетказиш зарур. Бу борада металл губка қўл келади.
Рангли бўрлар ҳамда пойабзаллар қолдирадиган қора чизиқларни металл губка дарҳол бартараф этади.
Оч рангдаги оёқ кийимларни тозалашда меланин губкалардан ҳам кўра кўпроқ металл губкалар ёрдам беради. Албатта, синаб кўринг.
Изоҳ (0)