Исталган одам кайфиятини кўтариш билан бирга ортиқча маблағ талаб қилинмайдиган буюмлар ҳақида маълумот бериб ўтамиз.
Смартфон тутқич
Телефон ёки планшетни жойлаб қўйиш мумкин бўлган махсус қурилмалар гаджетдан фойдаланадиган ҳар қандай одам учун энг яхши совға. Кучли магнит ва махсус фиксатор гаджетни маҳкам туришини кафолатлайди. Ундан нафақат офис, балки машина ва уйда ҳам фойдаланса бўлади.
Автомобиль учун органайзер
Автомобиль органайзерлари орқа ўриндиқ ёки «бардачок»ни қалашиб ётган буюмлардан бўшатишга ёрдам беради. Ручка, бутилка, смартфон, намлантирилган салфетка умуман машинада керак бўладиган нарсаларни солиш мумкин бўлган кўп чўнтакли органайзерлар исталган ҳайдовчи учун керакли эканига шубҳа йўқ. Унинг бир нечта: ўриндиқ орқасига маҳкамланадиган, автомобиль юкхонасига жойланадиган тури бор. Бу ҳаммага керак бўладиган, лекин кўпинча одамнинг ўзи харид қилмайдиган совға бўлади.
Фонар (шишали чироқ)
Телескопик фонар фойдаланиш осон ва ҳамма учун бирдек керакли буюм экани билан ўзига хосдир. Ундаги магнитли қисм бошқа йўқолиб қолиши мумкин бўлган металл болтларни тиркаб қўйиш имконини беради. Чўнтак фонари ҳамиша ёнда олиб юриш учун қулай.
Қора блокнот ва оқ ручка
Ҳамкасбингизга бермоқчи бўлган канцелярия буюмлари қиммат бўлмаса ҳам оригинал ва чиройли бўлиши керак. Муқоваси китобникига ўхшаш, вароқлари қора блокнот бу борада айни муддао саналади. Бундай оригинал блокнотда ёзиш оддийсига нисбатан анча қулайроқ эканидан ташқари, ижодкорона ёндашишга ҳам ёрдам беради. Аммо бундай совғанинг ёнида, албатта, оқ гелли ручка бўлиши керак. Шунинг сингари винтаж услубида безатилган чарм муқовали вариантлар ҳам совға учун айни муддао.
Телефон қувватлагичнинг ноодатийси
Ноодатий кўринишдаги, ўзига хос шаклга эга ёки безатилган телефон қувватлагичлар ҳам ёқимли ҳам керакли совға бўлади. Кўриниши сабаб кишининг кайфияти кўтарилса, энг керак вақт телефон қувватсиз қолиб кетганда яхши ёрдам беради.
Ноанъанавий ёстиқ
Қулай ва ноодатий буюмларни яхши кўрадиган ҳамкасбингизга қизиқарли безатилган ёстиқдан яхшиси йўқ. Уйига қўйиб қўйган ҳамкасбингиз ҳар сафар уни кўрганида сизни эслаши ва кайфияти кўтарилиши мумкин
Кружка
Кружка совға қилмоқчи бўлганларга ҳам оригинал вариантлар масалан, ичида солинган чой ёки қаҳвани автомат равишда аралаштириб берадиганларига эътибор қаратиш тавсия қилинади. Ҳамкасбларнинг умумий фотоси туширилган кружка эса ҳамиша ёқимли хотираларни эслатиб туради.
Столга қўйиладиган соат
Соатни ҳам ноодатийси масалан, митти-вентиляторли вариантига эътибор қаратинг. Компьютернинг USB-портига уланадиган соат циферблатида рақамлар ёниб кўзга ташланади. Бундай буюм, айниқса қоронғида ўзига хос кўринади.
Стол лампаси
Кечаси компьютерда ишлаши керак бўлганлар учун стол лампасидан фойдаланиш жуда ҳам қулай. Улардан айримлари ҳатто махсус ўқиш учун мўлжалланган. Уни китоб муқовасига қистириб қўйса ҳам бўлади. Шунингдек, кўриниши сабаб яхши кайфият улашадиган моделлар ҳам йўқ эмас.
Изоҳ (0)