Иқлим ўзгариши давом этса, сайёранинг энг машҳур масканлари қандай ҳолга тушиши акс этган суратлар

Сўнгги ўн йилликда ўтган 125 минг йил ичида энг иссиқ об-ҳаво кузатилди. 1990 йилларнинг ўрталаридан бошлаб Ер сайёрасида 28 триллион тоннага яқин музлик эриди. Бу рақам сайёрадаги барча тирик организмларнинг вазнидан деярли 28 баравар кўп дегани. Албатта, музликнинг эришини инсоният учун зарарсиз деб бўлмайди. Қолаверса, бугунги кунда кўплаб шаҳарлар иқлим ўзгариши оқибатларини бошдан кечира бошлади.

Санкт-Петербург, Россия

XXI асрнинг охирида Невадаги шаҳар ҳақиқий Венецияга айланиш хавфи остида. У ердаги сув сатҳи шундай бўладики, маҳаллий аҳоли фақат қайиқлар ёрдамида ҳаракатлана олади. Ички сув омборининг максимал чуқурлиги тахминан 2-3 метрга тўғри келади.

Катта тўсиқ рифи, Австралия

Глобал исиш Австралия қирғоқлари яқинидаги Катта тўсиқ рифи учун қаттиқ зарба бўлиши мумкин. Тирик организмларнинг аксарияти ўзгарувчан иқлимга мослашишга улгурмайди ва натижада ер юзидан йўқ бўлиб кетади.

Мумбай, Ҳиндистон

Гарчи бугунги кунда Мумбай гуллаб-яшнаган улкан шаҳар бўлса-да, эртага унинг тақдири нима бўлишини ҳеч ким билмайди. Яқин келажакда у бутунлай сув остида қолиши эҳтимоли мавжуд. Маҳаллий аҳоли эса хавфсиз яшаш учун жой излаб, қитъанинг ички қисмига ўтишга мажбур бўлади.

Антарктида

Иқлим ўзгариши музли Антарктидага ҳам таъсир қилади. Минг йиллик музликларнинг эриши қитъага яқин жойларда янги оролларнинг пайдо бўлишига олиб келади ва қирғоқ яқинида жойлашган мамлакатлар кўплаб йўқотишларга учрайди.

Рио-де-Жанейро, Бразилия

Глобал исиш Бразилияда жуда кўп муаммоларни келтириб чиқаради, унинг қирғоқбўйи ҳудудлари сув остида қолиши мумкин.

Алп тоғлари, Швейцария

Алп тоғларида жойлашган сайёҳларнинг севимли тоғ-чанғи курортлари тез орада қорсиз маконга айланиши мумкин. Шундай қилиб, XXI аср охирига келиб чанғи спортчилари қорларни кўриш учун 3 километр баландликка кўтарилиши керак.

Амазон тропик ўрмони, Бразилия

Амазоннинг тропик ўрмонлари бугунги кунда Жанубий Америка қитъасининг деярли 40 фоизини эгаллайди. Олимларнинг сўзларига кўра, иқлим ўзгариши аллақачон ҳайвонлар учун қулай жойни ўрмон ёнғинлари билан қурғоқчиликка тўла хавфли ҳудудга айлантиради.

Гавана, Куба

Дам олиш масканлари ва аттракционларга тўла Куба пойтахти атроф-муҳитининг ўртача ҳарорати атиги 3 даражага кўтарилса, бутунлай сув остида қолади. Инсоният атмосферага зарарли чиқиндилар миқдорини кескин камайтирса ва ҳароратнинг ошишига йўл қўймасагина, Гаванани қутқариб қолиши мумкин.

Пасторури музлиги, Перу

Бугунги кунда Пасторури Жанубий Америкадаги ноёб музликлардан биридир. Ҳароратнинг бироз кўтарилиши ҳам ушбу минтақанинг иқлими ва гўзаллигини абадий ўзгартиради.

Мале, Мальдив ороллари

Ҳинд океанида жойлашган Мальдив ороллари 1100 дан ортиқ текис ороллардан иборат. Иқлимнинг тез ўзгариши XXI аср охирига келиб сув остида қолиши мумкин бўлган ушбу курорт давлатга ҳеч қандай имконият қолдирмайди.

Сплит, Хорватия

Хорватиянинг Сплит шаҳри қисман сув остида қолиб кетиш хавфи остида. Худди шу нарса яқин ўн йилликларда сув остида қолиши мумкин бўлган Адриатик қирғоқларининг қолган қисмига ҳам тегишли.

Озодлик ороли, АҚШ

Глобал исиш Нью-Йорк ҳаётига катта таъсир қилади. Океанлар унинг машҳур Озодлик ҳайкали белигача кўтарилиш хавфини туғдиради. Шаҳар кўчаларининг ўзи ҳам сайёҳларни хурсанд қилиши даргумон: уларнинг аксарияти сув тошқини зонасида бўлади.

Аляска, АҚШ

Совуқ Аляска 2050 йилга келиб жуда иссиқ ҳудудга айланиши мумкин, чунки олимлар Шимолий Американинг айнан шу қисмида ўрмон ёнғинлари сони деярли 2 баравар ошишини башорат қилмоқда. Аммо бу ҳаммаси эмас, ёнғинлар билан бирга у ерда абадий музликлар эриб, қуруқ ландшафтлар пайдо бўлади.

Букингем саройи, Лондон, Буюк Британия

Машҳур Букингем саройи ҳам муаммога дуч келиши мумкин, тадқиқотлар шуни кўрсатадики, Англия қироличаси тез орада бошқа қуруқ жойга кўчиб ўтиши керак.

Венеция, Италия

Адриатик денгизи бўйида жойлашган Венеция глобал исиш натижасида ўзининг кўринишини йўқотиши мумкин. Агар Италия ҳукумати ҳимояланишнинг ишончли усулларини ўйлаб топмаса, шаҳарнинг денгизга энг яқин ҳудудлари бутунлай сув остида қолади.

Ўлик денгиз, Исроил

Ўлик денгиз кетма-кет бир неча ўн йиллар давомида бир вақтлар босиб олинган қуруқлик ҳудудини йўқотмоқда. Глобал исишнинг тобора тезлашиб бориши натижасида Яқин Шарқнинг асосий табиий диққатга сазовор жойларидан бири 2050 йилга келиб сайёрадан йўқолиб кетиш эҳтимоли мавжуд.

Салоники, Греция

Замонавий Грециянинг асосий шаҳарларидан бири бўлган Салоники яқин ўн йилликларда Венецияга айланиши мумкин. Иқлимнинг ўртача ҳарорати атиги 3 даражага кўтарилиши билан унинг баъзи қисмлари саёҳатчиларни қабул қила олмайди.

Дубай, Бирлашган Араб Амирликлари

Сайёранинг, эҳтимол, энг замонавий мегаполиси Дубай тез орада чўлга айланиш хавфи остида. Гарчи бугунги кунда шаҳарда сув танқислиги муаммоси бўлса-да, келажакда мамлакат совутиш ва тоза сув олиш учун янада юқори харажатларга дуч келади.