Ispaniya Pikasso, flamenko, gazpachoning vatani hisoblanadi. Sayyohlar bu yerga “La Tomatina” pomidor festivalida ishtirok etish yoki mashhur ispan buqalar jangini tomosha qilish uchun keladi. Ammo bu mamlakatning go‘zalligini chinakamiga his qilish uchun oddiy ispaniyalikning kundalik hayotiga biroz chuqurroq nazar tashlash kerak.

Yevropadagi eng tor bino Ispaniyada joylashgan: uning kengligi atigi 107 santimetr.

Foto: AdMe

Bino Valensiya markazidagi Lope de Vega maydonida joylashgan. Bu Braziliyadagi Casa del Metro nomi bilan tanilgan 100 santimetrlik binodan keyin dunyodagi ikkinchi eng tor binoga aylandi.

Alaurin-de-la-Torre ko‘chasi mahalliy ayollarning qo‘l mehnati yordamida to‘qilgan matolar bilan bezatilgan.

Foto: AdMe

Evropadagi eng katta palma bog‘i Ispaniyaning Elche shahrida joylashgan.

Foto: AdMe

Palmeral – Elche shahrida joylashgan palma bog‘i. Birinchi o‘simliklar 2500 yil oldin karfagenliklar tomonidan ekilgan. Ba’zi ma’lumotlarga ko‘ra, bu yerda 200-300 minggacha palma daraxtlari o‘sadi. 2000-yilda Palmeral YUNESKOning Jahon merosi ro‘yxatiga kiritilgan.

Sevilyadagi tramvaylarda tez quvvatlanuvchi akkumulyatorlar mavjud, shuning uchun yo‘l bo‘ylab elektr tarmoqlariga ehtiyoj bo‘lmaydi.

Foto: AdMe

Bekatlarda bunday tramvaylar 30 soniya ichida to‘liq quvvatlanadi va bu 3 kilometrga yetadi.

Ispaniyadagi jamoat hojatxonalari estetik jihatdan ham boshqalardan farq qiladi.

Foto; AdMe

Piyodalar o‘tish joyi transport vositasining qaysi tomondan kelayotganini ko‘rsatadi.

Foto: AdMe

Mursiyadagi Bibi Maryam sobori oldida ko‘zi ojiz odamlar majmuaning qanday ko‘rinishda ekanligini his qilishi uchun qo‘llari bilan tegishi mumkin bo‘lgan 3D model o‘rnatilgan.

Foto: AdMe

Marketing daholari: Bu do‘kon zinapoyaga chiqqan har bir qadam uchun qancha kaloriya sarflaganini ko‘rsatadi.

Foto: AdMe

Butun aholi punkti 50 metr balandlikda 1 km uzunlikdagi jar yoqasida yashaydi.

Foto: AdMe

Kastelfolit-de-la-Roka – Kataloniyadagi La Garrotxa vulqon zonasidagi kichik shaharcha. Bu yerda 1000 ga yaqin aholi istiqomat qiladi. U taxminan 200 ming yil oldin vulqon lavasining oqimi natijasida hosil bo‘lgan bazalt jinsida joylashgan. Bu kichik hududda San-Salvador cherkovi, soat minorasi bo‘lgan shahar hokimiyati, kuzatuv maydonchasi, shuningdek, Vyetnam muzeyi va go‘sht mahsulotlari muzeyi joylashgan.

Kordovada yoz issiq bo‘ladi.

Foto: AdMe

Ispaniya iqlimi iliq bo‘lgan mamlakatdir. Ammo iyul va avgust oylarida harorat 30 ° C dan oshishi mumkin.

Hamma joyda 24 soat ishlaydigan dorixona avtomatlari mavjud, ulardan tungi vaqtda foydalanish mumkin.

Foto: AdMe

Valensiyada ba’zi svetoforlarda tasvirlangan figuralar milliy ispan kiyimida kiyingan.

Foto: AdMe

Sevilyada Minecraft o‘yinidagi buyumlarga o‘xshash g‘ayrioddiy daraxtlarni ko‘rish mumkin.

Foto: AdMe

Terrassa shahrida eski mashinalardan yasalgan dinozavr haykali bor.

Foto: AdMe

Malagadagi pullik hojatxonalardan birining ichida esa sovg‘a do‘konini topish mumkin.

Foto: AdMe

Ispaniya supermarketlarida tetrapaklarda tayyor gazpacho sotib olish mumkin.

Foto: AdMe

Gazpacho odatda issiq mavsumda tayyorlanadigan an’anaviy ispan taomidir, chunki u odatda sovutilgan holda iste’mol qilinadi. Ispaniyada 20 yil davomida gazpacho karton qutilarda sotiladi. Shunga qaramay, sayyohlar hali ham tetrapaklarda bunday taomlar emas, balki sharbat yoki sut sotilishiga o‘rganib qolgan.

Ispaniyada qoyada qurilgan shahar bor.

Foto: AdMe

Setenil de las Bodegas — Andalusiyadagi shahar bo‘lib, u miloddan avvalgi I asrda rimliklar tomonidan Rim imperiyasi istilosi paytida qurilgan. Hozir u yerda 3 mingga yaqin aholi istiqomat qiladi. Butun dunyodan kelgan sayyohlarni taomlar, devorlar va  bazalt toshlari bo‘lgan g‘ayrioddiy binolar o‘ziga jalb qiladi.

Ispaniyada eng xavfli turistik yo‘nalishlardan biri.

Foto: AdMe

Kaminito-del-Rey 1901-1905 yillarda GES ishchilari uchun qurilgan. Bu Malaganing go‘zal tog‘larida uzunligi 3 kilometr bo‘lgan mashhur sayyohlik marshrutidir. Daradan 100 metr balandlikda cho‘zilgan yo‘lning kengligi bor-yo‘g‘i 1 metr.

Madriddagi bu bog‘ boshqa bog‘lardan farq qiladi.

Foto: AdMe

Vertikal bog‘ selfi ishqibozlari uchun mashhur manzilga aylandi. U CaixaForum Madrid madaniyat markazi tepasida o‘sadi.

Chet elliklar bilishi kerak bo‘lgan ispan odatlari:

  • Kechikish kechirilmaydi. Na 5, na 10, na 15 daqiqaga. Bu, ayniqsa, ish uchrashuvlari yoki maktabga borishda yaxshi odat hisoblanmaydi. Ispan maktablarida talaba bir necha daqiqa kechikkani uchun jazolanadi.
  • Navbat muqaddasdir! Navbatga rioya qilmaslik haqorat hisoblanadi. Hatto yoshlar ham keksa odamga navbat hali kelmaganini dadil aytishi mumkin. Garchi bir qarashda chet ellik odam o‘zini navbatda turganini his qilmasligi mumkin. Chunki odamlar boshqa mamlakatlardagi kabi bir ustunga saf tortmay, bemalol tarqalib ketadi. Lekin, albatta, “oxiri kim?” deb so‘rash lozim.
  • Ispaniyaga borganda, ispanlar bilan muloqot paytida odatda suhbatdoshning yaqiniga kelishga tayyor turish kerak. Ular uchun yetarlicha yaqin turish suhbat paytida suhbatdoshga teginish odatiy holdir. Agar masofani saqlashga harakat qilinsa, ular buni haqorat va yoqtirmaslik deb bilishlari mumkin.
  • Restoran va kafelarda, agar ovqat non bilan birga bo‘lsa, ispanlar odatda bir parcha nonning kichik bo‘laklarini sindirib, iste’mol qiladi. Agar siz nonni tishlab yesangiz, vahshiy hisoblanasiz.