Фахрийлар ҳозирги тинч-тотув ҳаёт ва барқарор келажагимиз учун ўз соғлиғини қурбон қилган. Улар атрофдагиларнинг ҳозирги эътирофи ва чексиз ғурурига сазовор бўлгунга қадар чорасизлик, турли тўсиқлардан иборат узоқ ва машаққатли йўлни босиб ўтган. Бироқ ҳозир ҳам улар оддий, одам ҳаётидаги одатий ҳол деб қабул қиладиган овқат тановул қилиш, нафас олиш ёки ҳаракатланиш билан боғлиқ қийинчиликларга дуч келмоқда.
Ҳар йили 3 декабрь куни бутун дунёда Халқаро ногиронлар куни нишонланади. У мазкур тоифадаги инсонлар имкониятлари, уларнинг жамият ҳаётидаги иштирокини кенгайтириш, қадр-қиммати, ҳуқуқлари ва фаровонлигини ошириш мақсадида таъсис этилган. Оддий одамларнинг табиат ёки ҳаёт тақозоси билан соғлиғидан маҳрум бўлганини, қандай яшашини тасаввур қилиш мушкул. Имконияти чекланган шахсларнинг ҳам худди биз сингари ҳаёт ташвишлари ва муаммолари борлиги, улар ҳам инсонга хос бўлган орзу-умидлар ва интилишларга эга эканини ёдда тутиш лозим.
Халқаро ногиронлар куни арафасида ERIELL гуруҳи томонидан Ўзбекистон Республикаси Мудофаа вазирлиги билан ҳамкорликда имконияти чекланган фахрийлар учун хайрия акцияси ўтказилди. Компания вакиллари идора ходимлари иштирокида, Тошкент шаҳридаги тўрт нафар фахрийнинг ҳолидан хабар олиб, уларга озиқ-овқат маҳсулотлари жамланмасини тақдим этди.
«Турмуш ўртоғимга сурункали гломерулонефрит ташхиси қўйилган. Ҳеч ким унга донорлик қилишга журъат қилолмаганди: мен доимо унинг ҳаёти учун қўрқув ҳисси билан яшадим ва, афсуски, ҳатто менга ҳам узоқ вақт унга буйрагимни беришга рухсат беришмади. Вақт ўтиб, биз бунинг уддасидан чиқдик ва буйрак кўчириб ўтказиш бўйича операция амалга оширилганига ҳам бир йил бўлди», — дейди 1-гуруҳ ногирони, капитан Хўжамов Зафар Закировичнинг рафиқаси Расулова Насира Сайфуллаевна.
Бугунги кунда Ўзбекистонда 780 мингдан зиёд имконияти чекланган инсонлар истиқомат қилади. Уларнинг 8,5 фоизини биринчи гуруҳ ногиронлари, 71 фоизини иккинчи гуруҳ ва 20,5 фоизини учинчи гуруҳ ногиронлари ташкил этади. Ногиронлиги бор шахсларнинг 97 минг нафарини 16 ёшгача бўлган болалар ташкил этади.
Ўзбекистонда имконияти чекланган инсонлар салмоқли равишда қўллаб-қувватланади: улар техник ёки бошқа воситалар, тиббий ва ижтимоий реабилитация хизматлари, шунингдек, дори-дармонлар билан таъминланади. Шунингдек, ногиронларнинг жамият ҳаётида тўлақонли иштирок этишлари учун қулай шароитлар яратишга алоҳида эътибор қаратилмоқда.
«Мен сузиш бўйича Паралимпия ўйинлари аъзоси бўлдим. Ҳозирги вақтда баттерфляй усулида яхши сузаман, спорт залига қатнайман. Бизда фахрийлар ўртасида чемпионатлар ўтказилади ва бу тадбирларга иштирокчиларни қўллаб-қувватлаш, уларни руҳлантириш ва илҳом бериш учун келаман», — деди 2-гуруҳ ногирони, полковник Номозов Олимжон Исакович.
Фахрийлар ёрдамни мамнуният билан қабул қилишди ҳамда кўрсатилган эътибор ва ғамхўрлик учун миннатдорлик изҳор этишди.
Реклама ҳуқуқи асосида.
Изоҳ (0)