Netflix испаниялик киноижодкорлар томонидан тақдим қилиниб, машҳурликка эришган «Қоғозли уй» (Money Heist) сериалининг ремейкини ишлашга қарор қилди.
«Қоғозли уй»нинг сўнгги 5-мавсумини 3 декабрдан Netflix’да томоша қилиш мумкин.
Янги версияда эса бош қаҳрамонлардан бирининг ролини «Калмар ўйини» (Squid game) юлдузи Пак Хе Су гавдалантиради. У Берлин лақаби билан маълум бўлган қаҳрамон ролини ижро қилади. Бошқа қаҳрамонлар сифатида ким суратга тушиши ҳақида яқин орада маълумот берилади. Сериалнинг қачон экран юзини кўриши ҳам ҳозирча номаълум.
Унга «Овоз» (Voice) ва «Қора» (Black) драмалари билан машҳур бўлган Ким Хон Сон режиссёрлик қилади. Netflix янги корейсча версияни тақдим қилишдан ташқари, сериалга spin-off (асосий сюжетга қисман дахлдор бўлган, бошқа қаҳрамонлар иштирокидаги баён) ишлаши ҳақида ҳам маълум қилган. Лойиҳа сериалдаги Берлин лақабли қаҳрамонга бағишланади. Такрор Педро Алонсо суратга тушиши кутилаётган сериалнинг тақдимоти 2023 йилда бўлиб ўтиши режалаштирилмоқда.
Мавзуга доир:
